Skip to main content
குறிப்பு : தமிழும் , தமிழ் கவிஞர்களும் என்னை மன்னித்து விடுங்கள்



கவிதை எழுதுவது எப்படி ?


அது ஒன்னும் பெரிய

பிரமாதம் கிடையாது !


" " வுக்கு " " போடு !

" " வுக்கு " " போடு !

" " வுக்கு " " போட்டா

ஓஹோன்னு இருக்கும் !


அது மாதிரியே

மைக்கு மை !

பைக்கு பை !


என்ன புரியலையா ?


அன்பேன்னு ஆரம்பிக்கறியா

அடுத்ததா ஆட்டுக்குட்டியேன்னு

அடிச்சுவிடு !


அம்மான்னு தொடங்கினா

சும்மான்னு முடி !


மகிழ்ச்சின்னா

நெகிழ்ச்சி , முகிழ்ச்சி .......

இடையில இகழ்ச்சியக்கூட

இழுத்து வுட்டுக்கலாம் !


"வாடா மச்சி " க்கு

இருக்கவே இருக்கு

"வாழக்கா பச்சி " !


காதல்ன்னா ,

கனவு , கற்பனை ,

கன்றாவி , கசுமாலம் ........

கடைசியா

மோதலையும் , சாதலையும்

மறந்துடாத மவனே !


பொம்பளையப் பாடுறியா

மரஞ்செடி கொடியில ஆரம்பிச்சு

மாங்கா , தேங்கா வரைக்கும் சும்மா

தோரணம் கட்டித் தொங்கவிடலாம் !

நடு நடுவுல மானே , தேனே

பொன்மானே எல்லாம் போட்டுக்கணும் !


ஊருக்கு உபதேசம் பண்ணறியா

வாலிபான்னு ஆரம்பிச்சா

வகை வகையா

வரிஞ்சு தள்ளலாம் !


உதாரணத்துக்கு ஒன்னு !

" வாலிபா கேள் !

சிப்பிக்குள் முத்து - அது

சிறைப்பட்ட சொத்து !

ஈரஞ்சு பத்து - நீ

வெற்றியோட வித்து ! "


யாருகிட்ட !


ஒரு வரியில சொல்லறத

ஒம்போது வரியில சொன்னா

அதுதாண்டா கவித !


இப்ப

" எனக்கு ரெண்டு நாளா பின்னாடி புடுங்கிகிச்சு " ன்னா

அது செய்தி !

அதையே

" எனக்கு

ரெண்டு நாளா

பின்னாடி

புடுங்கிகிச்சு ! " ன்னா

அது கவிதை !


அப்பப்ப ஆச்சர்யக்குறி

போட்டுக்க

அசத்தலா தெரியும் !


சினிமாவுலயும்

சின்னதா கவனம் வச்சுக்க

பழைய பாட்டோ

புதிய பாட்டோ

உருவி உள்ளவிட்டா

எவனும் ஏன்னு கேக்க மாட்டான் !


ஒன்னு தெரியுமா ?

தமிழ் ரொம்ப

நல்லமொழி !

எவ்வளவு அடிச்சாலும் தாங்கும் !


சரக்கு தீந்துடுச்சுன்னு

நெனைக்கிறப்ப எல்லாம்

சரக்கடி !


எங்கே

பட்டயப் போட்டுக்கிட்டு சும்மா

பட்டயக் கெளப்பு பாக்கலாம் !!!





Comments

  1. en kanna thiranthitinga thalaiva ..... enimel nanum oru kavingyan than

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…