Skip to main content

Posts

Showing posts from September, 2013
 குறிப்பு : இந்தக் கவிதை எழுதப்பட்டது 07.05.2013  ல்


மழை   





மழை இனி
பெய்யுமா ?
உலகம் இனி
உய்யுமா ?

இனி ,
மேகம் என்பது
வெறும்
பஞ்சுதானா ?
நிலத்தடி நீர்
என்றாலே - அது
நஞ்சுதானா ?

கயிறு போல
இளைத்து விட்டது
காவிரி !
வாய்க்காலானது
வைகை !
தரிசானது
தாமிரபரணி !

ஏட்டளவுதான்
எந்தச் சட்டமும் !
உயராது அதனால்
எந்த அணையின்
நீர்  மட்டமும் !

இனி,
அளந்தே குடிப்போம்
தண்ணீரை !
எதற்கும் கொஞ்சம்
சேமித்து வைப்போம்
கண்ணீரை !

இனி,
வடநாட்டில்
இருந்துதான்
தண்ணீரைக்
கொண்டு வரவேண்டும் !
அயல்நாடு போனாலும்
அங்கிருந்தும் கொஞ்சம்
மொண்டு வரவேண்டும் !

இனி,
குழாயடியில்
சண்டை வராது !

கைதுடைக்கும்
காகித வியாபாரிகள்
கோடீஸ்வரர்கள் !

கதிரியக்கக் குளியல்
அமலுக்கு
வரப் போகிறது !

அழுக்கு ஒட்டாத
ஆடைகள்
நடைமுறைக்கு வரலாம் !

கடல் நீரைக்
குடிநீராக்கும்
குட்டி இயந்திரம்
வீடுதோறும்
விநியோகிக்கப் படலாம் !

கோவில்களில்
அபிஷேகத்திற்கு
தடை வரும் !

வானிலை அதிகாரிகள்
வேலை இழப்பார்கள் !

குடிநீர் வங்கி
உருவாகும் !

மழை
எந்த நாட்டில்
பெய்தாலும்
அதை
அதிசய நிகழ்ச்சியாக
தொலைக்காட்சியில்
ஒளிபரப்புவார்கள் !

' வீட்டுக்கு
ஒரு லிட்டர்
குடிநீர் இலவசம் '
என்று சொல்லியே
சமூக முதிர்ச்சி





சேர்ந்தாற்போல
நான்கு இளைஞர்கள்
நடந்து போனால்
காட்டாயம் அவர்களிடம்
மதுவாசம் !

தகாத வார்த்தைகளால்
தந்தையைத் திட்டுகிறான்
ஒரு சிரிப்பு நடிகன் !
தியேட்டரில்
கைதட்டுகிறார்கள் !

பள்ளிச்சிறுமி ,
கையில் அலைபேசி ,
நமட்டுச் சிரிப்பு
அடிவயிற்றில் பகீர் !

ஆசிரியர்களை 
வேவு பார்க்க
மாணவர்களை
நியமிக்கும்
பள்ளி நிர்வாகம் !

ஜோதிடர்களின்
தயவால் தான்
இன்னும்
கூட்டமிருக்கிறது
கோவில்களில் !

காதல் பேசுவது
பெண்களுக்குப்
பொழுது போக்கு !
இளைஞர்களுக்கு
பிறவிப் பயன் !

முகநூலை
தடை செய்தால்
லட்சக்கணக்கில்
தீக்குளிப்பு கட்டாயம் !

அருந்தமிழ் நாட்டில்
அடுக்கு மொழியில்
ஆங்கிலம் பேசும்
ஐந்து வயதுக் குழந்தைக்கு
அம்மா என்ற வார்த்தை
தெரியவில்லை !
பலே !

பந்தி போடும்
வரை தான்,
கல்யாண வீடுகளில்
கூட்டமெல்லாம் !

வரிக்கு
விலக்கிருப்பதை
உறுதி செய்த பின்புதான்
வக்கற்றோரை நோக்கி
உதவிக் கரங்கள்
நீள்கின்றன !

கற்பு என்பது
கெட்ட வார்த்தை !

பாசம் என்பது
மூட நம்பிக்கை !

புனிதம் என்பது
பைத்தியகாரத்தனம் !

பற்றியெரியும்
குடிசையின் முன்
குளிர்காய்கிறார்கள் !
ஒளி கொடுக்கும்
தீபத்தை
ஊதி அணைக்கிறார்கள் !
மாற்று சிந்தனையாம் !

" பெண்களுக்கென்று
தனி…
அரண்டவன் கண்ணுக்கு .............






அது ஒரு
எதிர்பாராத தோல்வி !

முயற்சியில்
வெற்றி கிட்டவில்லை !
நொண்டிச் சமாதானங்கள்
மனதில் ஒட்டவில்லை !

வெற்றி மட்டும்
வாய்த்திருந்தால்.............

விதி
மாறியிருக்கும் !
வாழ்வானது
வசந்தத்தில்
ஏறியிருக்கும் !

ஆகிவிட்டதே நிலை
பரிதாபமாக !
ஏதாவது செய்வானா
இறைவன்
பரிகாரமாக ?

தொடங்க வேண்டும்
அனைத்தையும்
சுழியிலிருந்து !
உயர வேண்டும்
மீண்டும்
அதள பாதாளக்
குழியிலிருந்து !

என்ன செய்து
மனதை
மாற்றலாம் ?
என்னை நானே
எப்படித்
தேற்றலாம் ?

மது ...........
அது
புளித்துப் போன
பழைய போதை !

சூது ........
வேண்டாம் ! வேண்டாம் !
நான்
துரியோதனனுமில்லை !
எந்தச் சகுனியும்
கூடயில்லை !

மாது ..........
அட !
இதைக் கொஞ்சம்
யோசித்துத்தான் பார்ப்போமே !
மன்மதனைச் சற்று
வாசித்துத்தான் பார்ப்போமே !

எதிர்த்த வீட்டு
ஆண்ட்டி
எடுப்பாகத்தான் இருக்கிறாள் !

பச்சை சிக்னல்
காட்டுகிறது
பக்கத்து வீட்டு
பருவச் சிட்டொன்று !

எங்கேயோ
கிண்டியில்
ஒரு அழகு நிலையமாம் !

கொட்டுகிறதாம்
அங்கே
இன்பத்தின் அருவி !
கொண்டாடுகிறார்களாம்
உடம்பை
எண்ணைகொண்டு உருவி !

ஆம் !
கட்டாயமாக .....
ஆடவற்குப்
பெண்டிர் !
பெண்டிற்கு
ஆடவர் !

அப்புறம்
இந்த பீட…
அறை





கற்றுக்கொள்ளாதபோது
சமைத்த
அந்த
முதல்சமையலின் ருசி,
கற்றுக் கொண்டபிறகு
சமைத்த உணவுகளில்
இதுவரை கிடைக்கவில்லை !

வெறும்
வெங்காயத்தை மட்டுமே
நறுக்கித்தரும்
சமைக்கத்தெரியாத ஒருவன்
எல்லா அறைகளிலும்
இருக்கிறான் !

அவன்
உண்பான் என
இவனும்
இவன்
உண்பான் என
அவனும்
இருந்ததில்
மீந்து போய்
வெளியில் கொட்டும்
கலாச்சாரம்
அறையினுடையது !

எப்போதெல்லாம்
அறையில் அசைவம்
சமைக்கப்படுகிறதோ
அப்போதெல்லாம்
அறையின்
அசைவம் சாப்பிடாதவன்
ஊருக்குப் போயிருப்பான் !

எல்லா
அறைகளிலும்
ஏதோ ஒருவன்
சதா காதலியிடம்
பேசிக் கொண்டேயிருக்கிறான் !

தொலைந்த
பொருளுக்கு
அறையில் இருப்பவர்களை
சந்தேகிப்பது கூடாது !

தண்ணீர்
வராதநாட்கள்
அறையின்
துக்கநாட்கள் !

அறையில்
மதுவருந்தும் போது
நண்பர்களின் சத்தம்
அக்கம் பக்கம்
கேட்டு விடக்கூடாதென்று
அவ்வப்போது அவர்களை
அமைதிப்படுத்திக்
கொண்டிருப்பவனின்
அவஸ்த்தை
அழகானது !

அறையில்
ஒருவன்
தொலைக்காட்சி
பார்க்கிறபோது
வருகின்றஉறக்கம்
யாருமில்லாத
'அறைத்தனிமையில்'
வருவதில்லை !

எப்போது
ஒரு அறையின்
வரவு செலவுக் கணக்கு
அதைப் போட்ட
நபர்
இல்லாத சமயத்தில்
சரிபார்க்கப்படுகின்றதோ
அப்போது
கெட ஆரம்பிக்கிறது
அந…
பார்வையற்றவன்









அவன் ஒரு
குருடன் !

அந்தப்
பேருந்து நிறுத்தத்திற்கு
எங்கிருந்தோ
அவன்
வந்து சேர்ந்தான் !

என்னைத் தவிர
இன்னும் சிலர்
அங்கே
நின்றிருந்தார்கள் !

நான்
பாக்கெட்டைத் தொட்டு
சில்லறை இருப்பதை
உறுதி செய்துகொண்டேன் !

யாரிடமும்
அவன்
காசு கேட்காதது
கொஞ்சம்
உறுத்தலாக  இருந்தது !

கையிலிருந்த
குச்சியால்
தட்டித் தட்டி
தனக்கான
இடத்தைத்
தேர்ந்தெடுத்து
நின்றுகொண்டான் அவன் !

என்னைப் போலவே
இன்னும் சிலர்
அவனைப்
பரிதாபமாகப்
பார்த்தனர் !

அவன்
எங்கு போகவேண்டும் ?

அவனுக்கான
பேருந்து எது ?

யாரும்
அவனிடம்
கேட்கவில்லை !

அவனும்
யாரிடமும்
கேட்கவில்லை !

நிச்சயம்
இந்தஇடத்திற்கு
அவன்
புதியவன் தான் !

எந்தநம்பிக்கையில்
இங்கே வந்து நிற்கிறான் ?

யாராவது
அவனுக்கு
உதவுங்களேன் !

இவனும்
வாயைத் திறந்து
கேட்கிறானா பார் !

எனக்கும்
அவனை அணுக
கொஞ்சம்
தயக்கமாகஇருந்தது !

எதற்கு
வீண் வம்பு ?

பவித்ராவுக்கு
இதெல்லாம்
சுத்தமாகப்
பிடிக்காது !

மறக்காமல்
தெருமுக்குக் கடையில்
குழந்தைக்கு
பேபி பவுடர்
வாங்கவேண்டும் !

எனக்கான
பேருந்து வந்ததும்
பெருமூச்சு விட்டேன் !

ஜன்னலோரத்தில்
அமர்ந்து
மீண்டும் அவனைப்
பார்த்தேன் !

தனக்கான
பேருந்…
பயணம்

குறிப்பு : இந்தக் கவிதை பேருந்தைப் பற்றியதல்ல




ஊருக்குப் போவதில்
உறுதியாக இருந்தால்
ஒரு பேருந்தை விட்டாலும்
இன்னொரு பேருந்தைப்
பிடித்தாவது
நாம்
ஊருக்குப் போய்விடுவோம் !

பேருந்து
உரிய நேரத்திற்கு
வரவில்லை !
நம்மைப் போலவே
இன்னும் சிலர் காத்திருக்கிறார்கள்
எனும் போது
தாமதித்தாலும்
வரவேண்டிய பேருந்து
வந்தே தீரும் !

பேருந்து
கல்லறை நோக்கிப்
போகிறது எனில்
பயணம் சுகமாயிருந்து
யாதொரு பயனும் இல்லை !
பேருந்து,
பூந்தோட்டத்தை நோக்கிப்
போகிறது எனில்
பயணம் கடினமாயிருப்பதில்
பிழையொன்றும் இல்லை !

ஐம்பது பேர்
உடன் பயணித்தும்
பக்கத்து இருக்கைக்காரனுடன்
பேசாதவன்
தனியாகத் தான்
பயணிக்கிறான் !

எங்கும் நிற்காத
பாயிண்ட் டு பாயிண்ட்
பேருந்தில் ஏறினாலும்
அதுவும் ஏதாவது
ஒரு இடத்தில்
நிற்கவே செய்யும்  !

ஒரே இடத்தில் ஏறி
ஒரே இடத்தில்
இறங்கினாலும்
பயண நோக்கம்
ஒருவருக்கொருவர்
வேறுபடத்தான் செய்கிறது !

தொலைவு
அதிகமாக இருந்தால்
பயணச்சீட்டின் விலையும்
அதிகமாகத் தான் இருக்கும் !

நிறுத்தம் வருவது
தெரியாமல்
தூங்கிக் கொண்டிருப்பவர்களை
விழித்துக் கொண்டிருப்பவர்கள்
சற்று
எழுப்பி வ…