Skip to main content

Posts

Showing posts from July, 2012
மன்னிப்பு










நானும் அவளும்
ஓடி வந்துவிட்டோம் !
தனியொரு வாழ்க்கை
தேடி வந்துவிட்டோம் !

அவளுக்கு
நிச்சயம் ஆகியிருந்தது !
அட்டகாசமாக
ஆகிவிட்டுப் போகட்டும் !
அதனால் என்ன ?

பதிவு அலுவலக
வாயிலில்
ஓரமாய் வீற்றிருந்த
' கோயிலில் '
நண்பர்கள் சூழ்ந்து
அன்பால் எங்களுக்கு
வேலி கட்ட,
நான் அவளுக்குத்
தாலி கட்டினேன் !

எதிர்காலம் நினைத்து
அவள் வருந்த,
ஆறுதல் வார்த்தைகளால்
நான்
அவளுக்கு மருந்த,
அப்புறம்,
நல்லதொரு உணவகத்தில்
நண்பர்கட்கு
நாங்கள் விருந்த,
அவர்களும்
மகிழ்வோடு அருந்த...........

இருமனம்
இணைந்து விட்டது !
திருமணம்
முடிந்து விட்டது !

மாலை வந்தது !
மாலைக்கு
வேலை வந்தது !

நானும் அவளும்
தனித்து விடப்பட்டோம் !
இன்ப மொழிகளால்
இனித்து விடப்பட்டோம் !

பூ, பழம் , கட்டில்
நான்,அவள் !

பலநாள்
பசித்தவன்
அன்னம் தொடுவது போல
நான் அவள்
கன்னம் தொட்டேன் !

அந்தோ ..........

கலங்கியிருந்தாள்
பெண் !
கசிந்து கிடந்தது
கண் !

ஏன் இந்த
கண்ணீர் தோரணம் ?
என்னவாயிருக்கும்
அதற்குக் காரணம் ?

கேட்டேன் !

அம்மா என்று
விம்மினாள் !
அப்பா என்று
பம்மினாள் ! 
அழுகையால்
அந்த அறையையே
கும்மினாள் !

பழைய காதலி





அவள்,
நிறம் மாறியிருந்தாள்
உரு மாறியிருந்தாள்,
ஆனாலும்
அந்தக் கண்கள்
காட்டிக்கொடுத்து விட்டன,
அவள்,
அவள் தானென்று !

ஆறுவயது
குழந்தையொன்று
அவளை
அம்மாவென்று
அழைத்தது !

ஒரு
சபிக்கப்பட்ட
நொடியில்,
எங்கள் பார்வைகள்
மீண்டுமொருமுறை
சந்தித்துக் கொண்டன !

அவள் கண்களில்
அந்தக் கடைசி ஈரம்
இன்னும் காயவில்லை !

அதிர்ச்சியை
வெளிக்காட்டாத
முதிர்ச்சியோடு
புன்னகைக்க முயன்றாள் !

குழந்தை
அவளைப் போலவேயிருந்தது !

அது
" அங்கிள் "  என்றழைத்ததை
அநேகமாய்
அவள் ரசிக்கவில்லை !

நின்றபடி
நாகரிக இடைவெளியில்
நானும் அவளும்
நலம் விசாரித்தோம் !

முகம் பார்த்துப்
பேசாமல் - அவள்
நகம் பார்த்துப்
பேசினாள்  !
நான்,
நிலம் பார்த்துப்
பேசினேன் !

சில வருடங்கள்
சில வார்த்தைகளில்
முடிந்து விட,
மௌனம் வந்து
இருவர் உதட்டிலும்
படிந்து விட .............

அதன் பிறகு
எங்கள்
உணர்வுகள் மட்டும்
ஊமையாய்
ஏதோ பேசிக்கொண்டிருந்தன !

இறுதியாக,
விடை பெற்றுவிட்டு
நடை பயிலும்போது
ஒருமுறை
திரும்பிப்பார்த்தாள் !

வெறுமனே
திரும்பிப் பார்த்தாளோ ?
வேண்டுமென்றே
விரும்பிப் பார்த்தாளோ ?

இனியெப்போதும்
அவளைப்
பார்க்கக் கூடாதென்று
நினைத்துக் கொ…
ஒரு காதலன் பேசுகிறான்





என் பதில்கள்
என்னவென்று தெரிந்தும்
நீ
கேள்விகள்
கேட்டுக்கொண்டேயிருக்கிறாய் !


@@@@@@


ஒவ்வொரு முறையும்
நீ
கண்ணீர் சிந்தும் போது
எங்கேயோ ஒரு பூ
நிச்சயம் உதிர்கிறது !


@@@@@@


எப்படியெல்லாமோ
சமாதானம் செய்தும்
வராத உன் புன்னகை,
பிறகு நான்
மௌனமாகிவிடும் போது
மெல்ல மெல்ல
எட்டிப் பார்க்கிறது !


@@@@@@


நீ
அருகிலிருக்கும்
போதெல்லாம்
சத்தியமாய்
எனக்கு
பிற பெண்கள்
தெரிவதேயில்லை !


@@@@@@


இப்போதெல்லாம்
பிச்சைக்காரர்களுக்குக்
கொடுக்கவென்றே
சில்லறைகள்
சேகரிக்கிறேன் நான் !


@@@@@@


அதென்னமோ
தெரியவில்லை
உன்
கண்களை
பார்க்கும்போதெல்லாம்
எனக்கு
பேச்சு நின்றுவிடுகிறது !


@@@@@@


மழை பெய்கிறதே என்று
நாம்
இன்னும் கொஞ்சநேரம்
பேசிக்கொண்டிருந்தோம் !
பெய்வதை மறந்து விட்டு
நாம்
பேசுவதையே
பார்த்துக் கொண்டிருந்தது
சொட்டியபடி
அந்த மழை !

 ஒரு விபத்து










வெகு சீக்கிரமாய்
வீடு போகவேண்டும் !

ஊரிலிருந்து
வந்திருக்கிறாள்
மனைவியின் தங்கை !
வற்றாத பேச்சில்
அவள் ஒரு கங்கை !

இன்றைக்கென்று அந்த
சொட்டைத்தலையன்
எதற்கெடுத்தாலும்
நொட்டை சொல்கிறான் !

( குறிப்பு :  மேலதிகாரிக்கு முன்மண்டையில் முடி இல்லை )

அதொன்றுமில்லை
அவசரமென்று
அழுதுகொண்டே
செய்த பணியல்லவா !
பழுது இருக்கத்தான் செய்யும் !

புள்ளிவிவரத்தில்
புள்ளி ஒன்று பிசகிவிட்டது !
பத்து
நூறாகிவிட்டது !
கண்டறிவதற்குள்
மூளை உருகி
ஆறாகிவிட்டது !

அப்பாடா !

அப்புறம்,
ஒருவழியாய்
மணி அடித்தது !
பணி முடிந்தது !

போதுமடா இந்த
ஆலைக்காட்சி !
இனி போகவேண்டும்
குடும்பத்தோடு
மாலைக்காட்சி !

வாகனத்தில்
விரைந்தேன் !
வழிநெடுக
ஒலிப்பானால்
இரைந்தேன் !

திடீரென்று,
சாலையில் ஓர் கூட்டம் !
ஒவ்வொருத்தன் முகத்திலும்
இனம் புரியாத வாட்டம் !

குறுக்கே வந்தவனைத்
திட்டினேன் !
தலையைக் கொஞ்சம்
எட்டினேன் !
பார்த்தேன் !

அவன்
இவ்வுலகை
மறந்திருந்தான் !
ஏறத்தாழ
இறந்திருந்தான் !

ச்சே !
என்ன ஒரு
இரக்கமில்லாத விபத்து !
இங்கிருந்து கிளம்புவதுதான்
இப்போதைக்கு ' சமத்து ' !
அதற்கப்புறம்
நெரிசலில்
நொண்டி,
நெண்டி,
பிளந்து…
ஒரு நாளில் ஒரு பகலில் ................ ( சிறுகதை )









வெளியே மழை பெய்து கொண்டிருந்தது. சட சட வென்று சோ எனப்பெய்யும் மழை ! இம்மாதிரி மழை,  பெய்யும் வரை பெய்து விட்டு அரை மணியில்விட்டுவிடும். அரை நாள் விடுப்பு எடுக்கலாமா என யோசித்தேன். தலை போகும்அளவு இப்போதைக்கு இங்கொன்றும் அவசரமில்லை, பெரியதலையேவிடுப்பில்இருக்கிறது. சின்னத்தலையைஎளிதாக சமாளித்துவிடலாம். பிட்டைப் போட்டுப்பார்ப்போம் என்று முடிவெடுத்து தொலைபேசியில் எண்களை ஒத்தினேன். அப்புறம், பெரியதலை என்பவர் சீனியர் மேனேஜர், சிறிய தலை என்பவர் மேனேஜர் ................. எங்கள் மேனேஜர் கொஞ்சம் ஷோக்குப் பேர்வழி ! அவரிடம்பர்மிஷன் கேட்பது மிக எளிது.ரிங்போய்க்கொண்டிருந்தது.சட்டென்று " சொல்லுங்க ரங்கராஜ் " என்ற குரல் ! மனுஷன்இப்படி ' ங்க ' போட்டுப் பேசினால் நல்ல மூடில் இருக்கிறாரென்று அர்த்தம்.  " சார் ..... ஒரு ஆப் டே பர்மிஷன் வேணும் ! வீட்ல முக்கியமான கெஸ்ட்வராங்க ............" என்று இழுத்தேன்.  " ஷிப்ட்ல யார் இருக்காங்க மேன் ? " என்றார்.  "  குமார், இருக்கார் சார் .........மெட்டீரியல்ஸ்பெண்டிங்