Skip to main content
குறிப்பு : சிவப்பு வரிகள் ஆணினுடையவை !

நீல வரிகள் பெண்ணினுடையவை !


காதல் பேச்சு





அப்புறம் .....


ம்ம்ம் ................


என்ன ம்ம்ம்ம் .......... ?


ம்ம் என்றால் ம்ம்ம் !


ஏதாவது பேசேன் !


நீதான் பேசேன் !


என்ன பேச ?


ஏதாவது !


என்ன ஏதாவது ?


ஏதாவது என்றால் ஏதாவது !


சரி ... சரி .... மதியம் என்ன சாப்பிட்டாய் ?


தயிர் சாதம் !


புளித்த தயிர் ! புளித்த பதில் !

மதிய உணவை மாற்றவே மாட்டாயா நீ ?


ம்ம்ஹூம் ..... மாட்டேன் . மாற்றினால்

தொப்பை வந்துவிடும் உன்னைப்போல !


ஒ.... குத்திக்காட்டுகிறாயா ?

ஆறுவாரத்தில் ஆறு கட்டமைப்புகளோடு ( six pack )

வந்து அசத்தப் போகிறேன் பார் !


ம்ம்ம் பார்க்கத்தானே போகிறேன் !


வீட்டில் யாருமில்லையா ?


...................................................


என்னவாயிற்று ? என்னவாயிற்று ?


அப்பா வந்து பார்த்துவிட்டுப் போகிறார் !


போய்விட்டாரா ?


போய்விட்டார் .


அவருக்கு நான் வைத்த

பெயர் என்ன தெரியுமா ?


என்னவாம் ?


பஞ்சு மிட்டாய்த் தலையன் !


ஏய் படவா............


உன் அம்மாவின் பெயர் தெரியுமா ?


சொல்லித்தொலை !


உருளைக்கிழங்கு மூட்டை !


உதைக்கப் போகிறேன் உன்னை !


உனக்கும் கூடப் பெயர் இருக்கிறது .


கஷ்டகாலம் ........ சொல்லாதே


குள்ளக்கத்திரிக்காய் .......


உன்னை..... உன்னை..........


சரி ... சரி ..... சமாதானம் ! சமாதானம் !


என் மாமியாக்காரி என்ன செய்கிறாள் ?


சமைக்கிறாள் .


என்ன சமையல் ?


பூரிக் கிழங்கு !


ஏய் ....... வேடிக்கையைப் பார்த்தாயா ?

உருளைக்கிழங்கே உருளைக்கிழகைச் சமைக்கிறது !

ஐயோ ......... ஐயோ ...........


சகிக்கவில்லை ! நிறுத்து உன் பேச்சை !


வெள்ளைப் புறா ! வெள்ளைப் புறா !


என்னது ?


மண்டு ........ சமாதானம்டி ........


....................................


என்னது , இங்கு சூழ்நிலை சிவப்பாகி விட்டது !

அங்கு வெட்கப்படுகிறாயா என்ன ?


தெரியாத மாதிரி கேட்காதே !

" டி " சொன்னால் எனக்கு வெட்கம் வரும்

எத்தனை முறை சொல்லியிருக்கிறேன் !


இன்னும் என்னவெல்லாம் சொன்னால்

உனக்கு வெட்கம் வரும் ?


ஆசை ...... தோசை ..... அப்பளம் ......... வடை .........


சரி ஆசையே !

சரி தோசையே !

சரி அப்பளமே !

சரி வடையே !


...................................


ஏய் சில்லறைக் காசுகளை

கீழே சிந்தி என்ன விளையாட்டு ?


லூசு .......... நான் சிரித்தேன் !


பேருந்தில் போகும்போது சிரித்து வைக்காதே

தொலைந்தான் நடத்துனன் !


விட்டு விடேன் ...... என்னால் முடியவில்லை ................


சரி ..... நாம் எப்போது சந்திக்கலாம் ?


இப்போது முடியாது


மூன்று வாரங்களாகி விட்டதடி செல்லச் சிறுக்கி ................


அடுத்த வாரம் பரீட்சை இருக்கிறது !


பரீட்சையைக் கண்டுபிடித்தவன் பேதியில் போக !


அப்போ.... கல்லூரியைக் கண்டுபிடித்தவன் ........?


எனக்கு வாயில் நன்றாக வருகிறது !

எதையாவது சொல்லிவிடப் போகிறேன் !


சரி ..... அடுத்த வாரத்திற்கு அடுத்த வாரம் நாம் பார்க்கலாம் ..........போதுமா ?


போதாது ! இப்போது ஒரு முத்தம் கொடு !


ச்சீய்


ஏய் .... ஏய் .... கொடேன் .........


மாட்டேன் முண்டமே ..........


நானும் வாங்காமல் வைக்கமாட்டேன் முண்டமே ................


சரி ..... ஒரு நிமிடம் இரு .........


காத்திருக்கிறேன் காதலியே ........


.........................................


...........................................


ஏய் ..... என்ன சத்தத்தையே காணோம் ?


ஒன்றுமில்லை .........

ஆகாயத்தில் பறந்து கொண்டிருப்பதால் ,

அலைவரிசை சரியாகக் கிடைக்கவில்லை !


கொல்லாதே கிறுக்கா .................


அப்புறம் .....

ம்ம்ம் ................

என்ன ம்ம்ம்ம் .......... ?

ம்ம் என்றால் ம்ம்ம் !

ஏதாவது பேசேன் !

நீதான் பேசேன் !

என்ன பேச ?

ஏதாவது !

என்ன ஏதாவது ?

ஏதாவது என்றால் ஏதாவது !........................................






















Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
ரயில் சினேகிதி 




சட்டென்று
எனக்குள்
சகலமும்
வெளிச்சமாகி
விடுகின்றன,
எதற்கோ புன்னகைத்தபடி
எதிரே வந்தமர்ந்த
அவளைப் பார்த்ததும் !

கோழிக்குஞ்சை
உள்ளங்கையில்
பொத்திக் கொண்டால்
எப்படியிருக்குமோ
அப்படியிருக்கிறது
என் காதுகளுக்கு
யாருடனோ பேசியபடி
அவள் சிரிப்பது !

வேடிக்கை பார்த்தபடி
பூ விரல்களால்
அவள் கழுத்தை
அவளே
வருடிக் கொள்கிறாள் !
இங்கே எனக்கு
சொக்குகிறது !

எப்படியும்
நிமிர்ந்து என்னைப்
பார்த்து விடுவாள்
என்ற நம்பிக்கையில் தான்
எழுந்து போய்
காசு போடுகிறேன்
அந்த
குருட்டுப் பிச்சைக்காரனுக்கு !

இளஞ்சிவப்பு
நெயில் பாசிஷ்
தடவிய
அவள் பாதங்களைப்
பார்த்துக் கொண்டிருக்கறேன்,
சட்டென்று
கதை பேச
ஆரம்பிக்கின்றன
அந்தப் பாதங்கள்
என்னோடு !

நீர் குடிப்பதற்காக
அந்த வாட்டர் பாட்டிலின்
மூடியை
மென்மையாக
மிக மென்மையாக
அவள் திருகுகிறாள்,
தேவராகம்
கேட்டது போல
இன்பமாக அதிர்கிறது
என் பின்னங்கழுத்து !

பற்ற வைத்த
அணுகுண்டு
எப்போது வெடிக்குமென
பதைப்போடு
பார்ப்பது போலப்
பார்க்கிறேன்
உறக்கத்தில்
இமை மூடிய
அவள் விழிகளை !

அவளை விட
அழகான ஒருத்தி
அங்கே வந்து நின்றாலும்
அந்த அழக…