Skip to main content
அன்பு நண்பரே,

                             
       இக்கவிதை ரூபனின் தீபாவளி சிறப்பு கவிதைப் போட்டிக்கு அனுப்பப்படுகிறது ! இதில் உள்ள ஒவ்வொரு stanza வையும் ஒரு வரியாக நீங்கள் கருத வேண்டுமாய் பணிவுடன் கேட்டுக்கொள்கிறேன். வார்த்தைகளின் வரிசையை  மாற்றாமல் இதில் உள்ளது உள்ளபடியே பதிப்பிக்க வேண்டுகிறேன் !


நாம் சிரித்தால் தீபாவளி





 
தீபாவளி என்றாலே,

கொண்டாட்ட நினைவு
உள்ளத்தினின்று
அரிப்பதுதான் !

கவலைத்தோலை
மனித நாகங்கள்
உரிப்பதுதான் !

பட்டாசுகளை
பரவசத்தோடு
எரிப்பதுதான் !

களிப்பு வியர்வை
உடம்பு முழுக்க
கரிப்பதுதான் !

மகிழ்ச்சி மதுவை
தொண்டைக்குழியில்
சரிப்பதுதான் !

உறவுகளோடு
உற்சாகமாய்
சிரிப்பதுதான் !

உண்டதையெல்லாம்
லேகியம் தின்று
செரிப்பதுதான் !

பட்ஜெட் துண்டால்
புருஷன் கழுத்தை
நெரிப்பதுதான் !

விருந்துண்டு
தாம்பூலம்
தரிப்பதுதான் !

விளக்கேற்ற
தாமரை நூலைத்
திரிப்பதுதான் !

வாங்கிய வெடிகளை
பங்குபோட்டுப்
பிரிப்பதுதான் !

ஏதோவொன்றை
எண்ணைச்சட்டியில்
பொரிப்பதுதான் !

நரகாசுரன்
நமக்குள்ளே
மரிப்பதுதான் !

ஒரு
சங்கல்பத்தை
நெஞ்சுக்குள்
வரிப்பதுதான் !

வண்ண வேடிக்கையை
வான் வெளியில்
விரிப்பதுதான் !

ஒன்றே ஒன்று
இறுதியாக !

தீபாவளிதான்
நாம் சிரித்தால் !
தீபாவளி அல்ல
நாம் மட்டும் சிரித்தால் !


Comments

  1. அழகான கவிதை. கடைசி வரிகளில் முத்திரை பதித்துள்ளீர்கள். பாராட்டுக்கள். வாழ்த்துகள்.

    இனிய தீபாவளி நல்வாழ்த்துகள்.

    ReplyDelete
    Replies
    1. கருத்துக்கு நன்றி ஐயா ! கவிதையை இட்ட சில நிமிடங்களிலேயே வாசித்து கருத்திட்டதற்கு நன்றி ! தங்களுக்கும் இனிய தீபத்திருநாள் நல்வாழ்த்துக்கள் !

      Delete
  2. சிறப்பான முத்தாய்ப்பு! அருமையான படைப்பு! போட்டியில் வெற்றிபெற வாழ்த்துக்கள்! இனிய தீபாவளி வாழ்த்துக்கள்!

    ReplyDelete
    Replies
    1. கருத்துக்கு நன்றி நண்பா ! தங்களுக்கும் இனிய உளம் கனிந்த தீபத்திருநாள் வாழ்த்துக்கள்

      Delete
  3. உள்ளத்து உணர்வதைச்
    அள்ளிச் சொரிந்திட்டீர்கள்!

    மிக அருமை! போட்டியில் வெற்றி பெற உளமார்ந்த வாழ்த்துக்கள் சகோ!

    உங்களுக்கும் உங்கள் குடும்பத்தினருக்கும்
    தித்திக்கும் இனிய தீபாவளி நல் வாழ்த்துக்கள்!

    ReplyDelete
    Replies
    1. கவிதையை ரசித்து மகிழ்ந்ததற்கு நன்றி தோழி ! இந்த தீபாவளியில் தாங்கள் வாழ்வு சிறக்க பிரார்த்தனைகள் !

      Delete
  4. அருமை... இணைப்பை (கவிதையை) ஏற்கனவே நடுவர்களுக்கு அனுப்பி விட்டேன்...

    போட்டியில் வெற்றி பெற வாழ்த்துக்கள்...

    ReplyDelete
    Replies
    1. போட்டி குறித்து தகவல் தெரிவித்தமைக்கு நன்றி நண்பரே ! இனிய தீபாவளி வாழ்த்துக்கள்

      Delete
  5. இனிய தீபத்திருவிழா நல்வாழ்த்துக்கள்...

    என்றும் சொர்க்கம் : http://dindiguldhanabalan.blogspot.com/2013/10/charity.html

    ReplyDelete
  6. அருமை ! வெற்றி பெற வாழ்த்துக்கள். இனிய தீபாவளி நல்வாழ்த்துக்கள்!

    ReplyDelete
    Replies
    1. தங்கள் பின்னூட்டத்திற்கு நன்றி தோழி ! தங்களுக்கும் தங்களைச் சார்ந்த சில அன்பு உள்ளங்களுக்கும் இனிய தீபாவளி வாழ்த்துக்கள்

      Delete
  7. உங்களுக்கும் உங்கள் குடும்பத்தார் அனைவருக்கும் என்
    இனிய தீப ஒளித்திருநாள் நல்வாழ்த்துக்கள்...

    நெற்கதிர் கூட
    தான் விழுங்கும்
    நீரில் சில துளியை
    தனைச்சார்ந்த
    புல்லுக்கு கொடுக்கிறதே..
    நாம் மட்டும் ஏனிங்கு
    நமக்கே நமக்காக...
    என்று ஓங்கி தலையில் கொட்டு வைக்கும் கவிதை...
    நாம் மட்டும் சிரித்தால் இல்லை தீப ஒளி..
    அருமையான கவிதை நண்பரே..
    வெற்றிபெற வாழ்த்துக்கள்...

    ReplyDelete
    Replies
    1. கவிதையாக ஒரு பின்னூட்டம் எழுதி எனது கவிதையின் தரத்தை உயர்த்தி விட்டீர்கள் நண்பரே ! நன்றி !

      Delete
  8. தீபாவளி என்றால் இதுதான், இதுதான் என்று அருமையாக எடுத்துக் காட்டியுள்ளீர்கள். பாராட்டுக்கள்.
    போட்டியில் வெற்றி பெற வாழ்த்துகள்.
    தீபாவளித் திருநாள் நல்வாழ்த்துக்கள்.

    ReplyDelete
    Replies
    1. தாங்கள் எனது கவிதையைப் படித்து பின்னூட்டம் இட்டது மிகவும் பெருமையாக இருக்கிறது தோழி !

      Delete
  9. வணக்கம்

    தங்களின் மின் அஞ்சல் சுமந்த கவிதை வந்து கிடைத்து விட்டது மிக்க மகிழ்ச்சியாக உள்ளது தங்களின் போட்டிக்கான கவிதை நடுவர்களின் பரிசீலனையில் உள்ளது என்பதை தங்களுக்கு மகிழ்ச்சியுடன் அறியத்தருகிறேன்.

    போட்டியில் வெற்றி பெற எனது வாழ்த்துக்கள்
    இனிய தீபாவளி வாழ்த்துக்கள்.....

    என்பக்கம் புதிய பதிவாக கவிதைப்போட்டியில்பங்குபற்றியவர் தகவல் விபரம்-http://2008rupan.wordpress.com

    -நன்றி-
    -அன்புடன்-
    -ரூபன்-

    ReplyDelete
    Replies
    1. நன்றி ஐயா ! ரிசல்ட் எப்போ ?

      Delete

  10. இனிக்கும் தீபாவளி வாழ்த்துக்கள்

    தூய தமிழ்மணக்க! நேய மனங்கமழ!
    ஆய கலைகள் அணிந்தொளிர! - மாயவனே!
    இன்பத் திருநாளாய் என்றும் இனித்திருக்க!
    அன்பாம் அமுதை அளி!

    கவிஞா் கி. பாரதிதாசன்
    தலைவா்: கம்பன் கழகம் பிரான்சு

    ReplyDelete
    Replies
    1. எனது கவிதையை விடவும் அழகாக இருக்கிறது அதற்கு நீங்கள் இட்ட பின்னூட்டம் ! நன்றி நண்பரே !

      Delete
  11. வணக்கம்!

    இயபுகள் கொஞ்சும் இனிய அடிகள்
    இயல்புடன் கண்டேன் இனித்து!

    ReplyDelete
    Replies
    1. எனது கவிதையை விடவும் அழகாக இருக்கிறது அதற்கு நீங்கள் இட்ட பின்னூட்டம் ! நன்றி நண்பரே !

      Delete
  12. சிறந்த கவிதைக்கு வாழ்த்துக்கள்

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…