இறைவனாலும் இயலாது
மின்சாரமில்லா
மதியப் பொழுது !'
தொலைக் காட்சியும்
துணையில்லை !
தொலை பேசவும்
இணையில்லை !
உறக்கமும்
உபசரிக்கவில்லை
தினசரியும்
அனுசரிக்கவில்லை !
கழுவ வேண்டிய
பாத்திரங்கள் !
கொடிகளில்
தொங்கும்
துவைக்காத துணிகள் !
மூலையில் குவிந்த
பாலித்தீன் குப்பைகள் !
காலியான
மது புட்டிகள் !
அறை எனும் சிறை !
பணியிடம் எனும் பலியிடம் !
பெண்கள் இல்லாத பயணங்கள் !
துணையில்லாமல் பார்க்கும்
திரைப்படங்கள் !
காதல் இல்லாத
கனவுகள் !
காதலி இல்லாத
கடற்கரை !
குறைக்கத் தேவையில்லாத
தொப்பை !
சிரைக்கத் தேவையில்லாத
தாடி !
தலையெழுத்து எனும்
பிழைஎழுத்து !
விதி எனும் சதி !
ஜாதகம் எனும் பாதகம் !
வரம் இல்லாத தவம் !
பிரமச்சர்ய சூனியம்
நரகத்தை விடக் கொடியது !
அறையை விட்டு
வெளியே வந்தேன் !
பக்கத்து வீட்டுப் பாட்டிதான்
பல்லிளித்துப்
பார்த்துப் போனாள் !
நண்பனோடு போகையில்
எதிரே வருபவள்
அவனை மட