ஒரே ஒரு முத்தம் கொடு
அடி ,
பத்தரை மாற்றுத் தங்கமே ,
பற்ற வைக்கும் பருவமே !
உயிரை வாங்கும் உருவமே ,
என்னை ஈர்க்கும் துருவமே !
இரவைக் கொஞ்சம்
இரவல் கொடு !
தூக்கம் வந்து ,
தொல்லை செய்கிறது !
பார்வையை சிறிது
வார்த்துப்போ !
உயிரின் வேர்
உலர்ந்து விட்டது !
ஒற்றை வார்த்தையை
வீசிச் செல் !
யுகப்பசி தீர்ந்து விடும் !
ஒரே ஒரு முத்தம் கொடு
மோட்சமடைய அது போதும் !
சின்னப்புன்னகை
சிந்திவிடாதே !
இதயத்தில் இனிமேலும்
இடம் இல்லை !
செல்லச் சிணுங்களை
சிறிது கேட்டாலும் ,
இன்னிசை ஓசை
ஓயவேயில்லை !
ஒரே ஒருமுறை
கன்னம் தொட்டு கிள்ளிச் சிரித்தாய் !
பரவச நிலையை
பத்து நாள் அனுபவித்தேன் !
Comments
Post a Comment