Skip to main content
வாலிபா எங்கே செல்கிறாய் நீ ?



வாலிபா எங்கே செல்கிறாய் நீ ?

ஒரு நிமிடம் நில் !

நான் சொல்வதைக் கேள் !

நீ யார் என்கிறாயா ?

உனது நலம்விரும்பி

என்று வைத்துக்கொள்ளேன் .

என்ன விழிக்கிறாய் !

... நலம்விரும்பி என்பது

போன நூற்றாண்டோடு

வழக்கொழிந்த வார்த்தையாயிற்றே !

சரி ! இந்த நூற்றாண்டின் இறுதியோடு

அழியப்போகும் வார்த்தையைச் சொல்கிறேன் !

நண்பன் ! என்னை உனது நண்பன்

என்று வைத்துக்கொள்ளேன் !


எங்கே போகிறாய் ?

என்னது ! உறக்கத்தின் காதலியை

வாங்கப் போகிறாயா ?

.... மதுவா ?

மது - உறக்கத்தின் காதலி !

நல்ல உவமை !

நான் ஒன்று சொல்லவா ?

உறக்கத்திற்கு மனைவி

ஒருத்தி இருக்கிறாள் !

அவள் பெயர் உழைப்பு !

கைச்சிறையில் மனைவி

காத்திருக்கும்போது ,

காதலியை கடைகளில்

ஏன் தேடி அலைகிறாய் ?


இரவெல்லாம் பணி !

அயராத உழைப்பு !

முழுச் சூரியனை

முழுதாய்ப் பார்த்தே

மாதங்கள் மூன்று ஆகின்றன !

உனது புளித்த புத்திமதிகளை

போன நூற்றாண்டு பத்தாம் பசலிகளிடம்

வைத்துக்கொள் என்கிறாயா ?


உழைப்பு என்பது

மூளையின் மடிபையும் ,

பணத்தின் தடிப்பையும்

அதிகப்படுத்துவது மட்டுமல்ல !

அது ,

வியர்வையின் சொத்து !

உடல்நலத்தின் வித்து !


உன் உடம்பின்

கடைசி வியர்வையை

நீ எப்போது பார்த்தாய் ?

என்னது அப்படி ஒன்று

இருப்பதையே மறந்துவிட்டாயா ?

பரிணாம வளர்ச்சியில் ,

மனிதனிடமிருந்து காணாமல் போகக்கூடிய

உறுப்புக்களின் பட்டியலில்

வியர்வைச்சுரப்பிக்கே முதலிடம் !

இதயத்திற்குக் கூட இரண்டாமிடம் தான் !


உடல் வருந்திச் செய்யும்

எதுவுமே உழைப்புதான் !

நின்ற இடத்திலிருந்தே ஓடு !

குதி , குனி , நிமிர் !

கைகால்களை நீட்டி மடக்கு !

இருபது நிமிடங்கள் போதும் !

அன்றிரவு உறக்கம் வரவில்லைஎன்றால் ,

செருப்பால் என்னை அடி !


அடுத்ததாக ,

உனது அம்மாவை

கடைசியாக எப்போது நினைத்தாய் ?

கணக்கிடாதே ! அது ,

கடந்த வருடமாகக் கூட இருக்கலாம் !

காதலியிடம் நொடிக்கொருமுறை

சாப்பிட்டாயா ? சாப்பிட்டாயா ? என்று

உருகுகிறாயே !

அந்த வார்த்தையை

உன் தாயிடம் எப்போதாவது

கேட்டிருக்கிறாயா ?

இந்த உலகத்தில் எப்போதும்

உன் நலனை எண்ணியபடியே

வாழ அவள் ஒருத்தியால்

மட்டுமே முடியும் !

உறக்கம் வரவில்லைஎன்றால்

அவளிடம் ஐந்து நிமிடங்கள்

மனம் விட்டுப் பேசு !

மனங்குளிர்ந்த அவள் உள்ளத்தின் பூரிப்பு ,

உன்னைத்தாலாட்டித் தூங்கவைக்கும் !


உறக்கத்திற்கும் தாய்க்கும்

என்ன தொடர்பு என்கிறாயா ?

யுகம் யுகமாய் , தாய் தன் குழந்தையை

தாலாட்டித் தானே தூங்க வைத்தாள் !

அந்தத் தாலாட்டின் அதிர்வுகள் எல்லாம்

அண்ட வெளியில் உறைந்து போய்க் கிடக்கின்றன !

எங்கெல்லாம் தாயன்பு

என்கிற கதகதப்பு உண்டாகிறதோ ,

அங்கெல்லாம் அவை உருகி உருகி

பொழியத்தொடங்குகின்றன !

இது சொல்லப்படாத ஆனால்

நிரூபிக்கப்பட்ட விஞ்ஞான உண்மை !


இதற்கு மேலும் நீ

மதுவைத் தேடித்தான் போவேன் என்றால் ,

உன் தாயிடம் ஒரு வார்த்தை

சொல்லி விட்டுப் போ !!!











Comments

  1. Uzhaippin unnathathai unarthum ithu nallathor kavithai... But it is age ji.. Antha antha vayasula manushan atha atha thedithan povan ( For Love)

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…