Skip to main content

Posts

Showing posts from October, 2014
இதைப் போலவே
இருக்கும்
இன்னோர் உலகத்தில்
மனிதச்சிலை
வீற்றிருக்கும்
ஒரு கோவிலில்
கடவுளின் பிரார்த்தனை
இப்படித்தொடங்குகிறது .........

" எல்லாம் வல்ல
மனிதா .............
தயவுசெய்து
தயவுசெய்து
சகமனிதன்
துயர் துடை ! "
நியூட்டனின் மூன்றாம் விதி




























நமது
போராட்டங்கள்
கேயாஸ் தியரிப்படி
இப்பிரபஞ்சத்தில்
ஏற்படுத்தும் விளைவுகள்
அவர்களுக்குப்
புறக்கணிக்கத்தக்கவை !

இஃது
இன்னோர் விடுமுறை
என்றுதான்
அவர்கள்
கடந்துபோகிறார்கள்
நமது
கடையடைப்புக்களை !

மூன்று
நாட்களுக்கு மேல்
பேருந்துகளை
முடக்கி வைத்தால்
அது
நமக்கே பதிப்பு
என்று அவர்களுக்கு
நன்றாகவே தெரியும் !

உண்ணாவிரதங்கள்
நமது
வயிற்றினில் ஏற்படுத்தும்
நீர்த்த அமிலங்களில்
அவர்கள்
நீச்சல் பழகுகிறார்கள் !

நாம்
நாளெல்லாம்
நின்று கத்திச்செய்யும்
ஆர்ப்பாட்டங்களால்
அதிகப்பட்சம்
அன்று மாலை
மழை வரலாம் .........
அவ்வளவே !

நமது
மொட்டை போடுதல்களையும்
தீச்சட்டி ஏந்துதல்களையும்
சத்ரு சம்ஹார
யாகங்களையும்
முன்னெப்போதும் போலவே
இப்போதும்
அசுவாரசியமாய்ப்
பார்த்துக் கொண்டுதானிருக்கிறார்
கடவுள் !

நமக்கான
தியாகிப்பட்டம்
சுமந்துவரும்
செய்தித்தாள்களின்
தற்கொலைப்
பெட்டிச் செய்திகள்
காலப்பெருநெருப்பில்
அழிந்து போகலாம்
நம்மைப் போலவே .........!

அப்போதும்
இப்போதும்
எப்போதும் ..........
கைகட்டி
வேடிக்கை பார்க்கவும்
இரும்புக்கரம் கொண்டு
அடக்கவும்
இரு…
ஓர் எளிய கவிதை






















" ச்சீ
இவ்வளவு
எளிய கவிதையா ? "
என்று
ஓர் எளிய கவிதையைப்
புறக்கணிக்கிறேன் !

" ச்சீ
இவ்வளவு
கடின மனிதனா ? "
என்று
அக்கவிதை
புறக்கணிக்கிறது
என்னையும் .........!



புன்னகைக்காதவர்கள் 




















எதிரே வருகிற
ஒரு தெரிந்தவன்
புன்னகைப்பான்
என
எதிர்பார்க்கிறேன்......
ஏமாற்றிவிட்டுக்
கடந்துபோகிறான் !

எதிரே வருகிற
ஒரு தெரிந்தவனான
நான்
புன்னகைப்பேன்
என
எதிர்பார்த்திருக்கக் கூடும்
அவனும் ..........
ஏமாற்றிவிட்டுக்
கடந்துபோகிறேன் !

எதிரே வருகிற
நாங்கள்
புன்னகைத்துக் கொள்வோம்
என
எதிர்ப்பார்க்கிறது
புன்னகை ............
ஏமாற்றிவிட்டுக்
கடந்து போகிறோம் !

======================
======================
======================