Skip to main content
முதல் தருணம் .........



இளங்கலை இறுதியாண்டில் ,

உன்னிடம் உள்ளம் திறந்தேன் !


மௌனமாகப் பார்த்தாய் !


" சம்மதமா ? " என்றேன் !


சின்னதாகச் சிரித்தாய் !


நொடிபொழுதில் ,

நிறம் மாறித்தெரிந்தது உலகம் !


இம்சையே இல்லாமல் ,

இரண்டு இதயங்கள்

இனிதாய் இடம் மாறின !


பார்வைகளை

வார்த்துக்கொண்டு ,

காதலைப் பருகினோம் !


சிறிது தூரம் ஒன்றாக நடந்தோம் !


வழியில் ஒரு ரோஜாச்செடி !


" ரோஜா வேண்டுமா ? " என்றேன் .


" அதற்கு வலிக்குமே ! " என்றாய் !


" அதைத் தலையில் சூடினால் உனக்கு வலிக்கும் .

வலிக்கும் வலிக்கும் சரியாப் போகும் ! " என்றேன் .


"குறும்பு ......" என்றபடி குத்தினாய் .

குழைத்து குறுகுறுத்தது உயிர் !


நாம் இன்னும் நடந்தோம் .

பட்டாம்பூச்சி ஒன்றைப் பார்த்து ,

" பிடித்துத்தா " என்றாய் !

" தருகிறேன் ... உன்னைப்பிடித்து

பட்டாம்பூச்சியிடம் " என்றேன் .

கன்னத்தைத் தான் கிள்ளினாய்

செத்து செத்து பிழைத்து வந்தேன் !


சிறிது தொலைவில் ,

தேநீர் கடை வந்தது !


எதிரெதிரே அமர்ந்து ,

தேநீர் பருகினோம் !

எதிர் பாராத நொடியில் ,

நீ குடித்த தேநீரின் மீதத்தை

பிடுங்கிக் குடித்துவிட்டு ,

" இதோ வந்துவிடுகிறேன்

கொஞ்சம் வேலை இருக்கிறது "

என்று எழுந்தேன் .


" எங்கே போகிறாய் ? " என்றாய் .


நான் சொன்னேன் .....

" தேவர்களைப் பார்க்க ........

அமுதத்திற்கு அர்த்தத்தை

அவர்களிடம் சொல்லியே ஆக வேண்டும் " .


உதட்டைச் சுழித்து

ஒழுங்கு காட்டினாய் !


அப்போது தான் உன் கைகளை

முதன் முறையாகப் பற்றினேன் !

அவைகளை எடுத்து

என் நெஞ்சில் வைத்துக்கொண்டு சொன்னேன் .

" இன்று நமது பந்தத்தின்

ஆயிரமாவது யுகத் தொடக்க விழா ! "


சட்டென்று அழுது விட்டாய் !

" அழாதே ! அழாதே ! " என்றபடியே

நானும் அழுதேன் !


அதன் பிறகு ,

நாம் உடல்களால் மட்டும்

பிரிந்து சென்றோம் !!!

Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …