Skip to main content

Posts

Showing posts from May, 2012
நிலா



நிலா,
அன்பின் சின்னம் !
வான் இலையின்
ஒரு கரண்டி அன்னம் !
பாற்கடலில் இருந்து
பிய்ந்து வந்த பின்னம் !
வான் போர்வைக்குள்
ஒருக்களித்த தேவதையின்
ஒரு பக்கக் கன்னம் !

நிலா........
வெண்மை ..............
பால் ................
பசி .................
அம்மா !

நிலவைப் பார்த்து .
எழுதாதவன்
கவிஞன் இல்லை !
நிலவைப் பார்த்து
மகிழாதவன்
மனிதன் இல்லை !

கவிஞர்கள் செய்கிறார்கள்
கவிதை விற்பனை !
அதற்கு மூலதனம் - அவர்கட்கு
நிலவு தரும் கற்பனை !

உறவுகளைப்
பிரிந்து போகும்
ஒவ்வொரு பயணத்திலும்
கூடவே வருவது
நிலவு மட்டுந்தான் !

நிலவிருக்கும் வரை
எவனும் இங்கு
அநாதை இல்லை !

நிலவோடு சிறிது
உலவிவிட்டு வரலாம்
உறக்கம் வராதவர்கள் !

கவலைகளால்
பசியெடுக்காதவர்கள்
மொட்டை மாடியில்
நிலாச் சோறு உண்ணலாம் !

வானப் பூந்தோட்டம்,
நட்சத்திரப் பூக்கள்,
இரவுத் தேன் !
வெள்ளைப் பொன்வண்டு
நிலா !

வான்குளம்,
நட்சத்திர மீன்கள்,
வெள்ளைத் தாமரை
நிலா !

வான மைதானம்
நட்சத்திர வீரர்கள்
வெள்ளைப் பந்து
நிலா !

உலகுக்கே
பாசப் பசியாற்றும்
ஒரு சொட்டுத் தாய்ப்பால்
 நிலா !!!

அவளை எனக்குப் பிடிக்கிறது !


அவளை
எனக்குப் பிடிக்கிறது !
அவள்  எது செய்தாலும் பிடிக்கிறது !

குறுஞ்செய்தியில்
குலவும் போது
அவள்
ஒற்றை எழுத்தும்
 பிடிக்கிறது !

பேசும் போது
காற்று கலைக்கும்
 அவள்
கற்றைக் கூந்தல்
பிடிக்கிறது !

வெட்கத்தில்
 சிவக்கும்
கன்னம் பிடிக்கிறது !

கோபத்தில்
சிவக்கும்
மூக்கு பிடிக்கிறது !

பின்னலிடும்
 பார்வை பிடிக்கிறது !

 பின்னங்கழுத்து
வேர்வை  பிடிக்கிறது !

அவளை
 சும்மாவேனும் பிடிக்கிறது !
 சும்மா சும்மா பிடிக்கிறது !

காற்றில் பறக்கும்
அவள் துப்பட்டா
பிடிக்கிறது !

 என் பார்வையுணர்ந்து
அவள் அப்பட்டா
 என்றாலும்
அது கூடப் பிடிக்கிறது !

அவ்வப்போது
அவள் அழுவது பிடிக்கிறது !

தாமதமாகி
 வெடுக்கென்று
அவள் எழுவது பிடிக்கிறது !

 அவள் பேசினாலும் பிடிக்கிறது !
 கோபத்தில் ஏசினாலும் பிடிக்கிறது !

அவள்,
கன்னத்தின் குழி பிடிக்கிறது !
கீழுதட்டின் சுழி பிடிக்கிறது !

அவள்
முத்தம் மறுப்பது பிடிகிறது !
 சத்தம் வெறுப்பது பிடிக்கறது !

அவளிடம்
 ஏதேதோ பிடிக்கிறது !
எல்லாமே பிடிக்கறது !

அவள்
தும்மல் பிடிக்கிறது !
 காதில் ஆடும்
கம்மல் பிடிக்கிறது !

அவள் படிக்கும் புத்தகம் பிடிக்கிறது !
புத்தகம…
குறிப்பு : ஒரு பாமரனின் கண்ணோட்டத்தில் தான் இந்தக் கவிதை எழுதப்
பட்டுள்ளது. பெண்களை இழிவு படுத்தும் நோக்கில் எழுதப்படவில்லை. அப்படி
ஏதும் இருந்தால் சுக்கிர பகவானே எனை மன்னித்து விடு !


காட்சிப் பிழைகள்



அது ஒரு
பேருந்து நிறுத்தம் !

பகல்,
பத்துமணி இருக்கும்
பத்தடி தூரத்தில்
அவள் வந்து நின்றாள் !

பருவம் தான்
உள்ளம் உதறவைக்கும்
உருவம் தான் !

நானும் அவளும்
தனித்திருந்தோம் !
சூழலுக்கு இதமாய்
இனித்திருந்தோம் !

வெட்ட வெளியை
வெறித்தபடி
வெறுமனே நின்றாள் !

நேர்ப்பார்வை
பார்ப்பவள்  - திரும்பியொரு
கூர்ப்பார்வை
பார்த்தாளென்றால்
வேர்வரை அது பாயுமே !
ஏக்க அலை ஓரளவாவது ஓயுமே !

பாரடி ! பாரடி !
பைங்கிளி ! பைங்கிளி !

இரு ! இரு !  - கொஞ்சம்
பொறு ! பொறு !
பார்ப்பாள் ! பார்ப்பாள் !
இளமைக்கு நீர்தன்னை
வார்ப்பாள் ! வார்ப்பாள் !

எனக்கு நானே
வேதம் ஓதினேன் !
பொறுமையிழந்து
உஸ்ஸ்  என்று
காற்று ஊதினேன் !

திருப்பதி பகவானே
திருப்பம் தா !
அவளுக்கு எனைப் பார்க்கும்
விருப்பம் தா !

திரும்பத் திரும்ப
வேண்டிக் கொண்டு
திரும்பிப் பார்த்தேன் !
திக் என்றது !

பத்து வினாடியில்
பத்தடி இடைவெளியை
சத்தமின்றி
நிறைத்திருந்தனர்
நாகரிக …