Friday, January 28, 2011

மீனவ வேதனை


இதுவரையிலான எமது

கண்ணீரால் கரிக்கின்ற கடல் - இனி

செந்நீரால் சிவப்பாகும் !


கோடி முறை

பொங்கினாலும்

எமது கவலைகள்

அலையைப்போல

கடலுக்குள்ளேயே

முடங்கி விடுகின்றன !


கடல் எங்களின் தாய் !

தாயன்பில் ,

தாயின் மீதான உரிமையில்

எல்லைகளை

ஏற்கத் தெரியவில்லை

எங்களுக்கு !


கண்முன்னே

பிள்ளைகள் சாவதை

எந்தத் தாயும் தாங்க மாட்டாள் .

ஆகவே ,

எங்களை

வதைத்துக்கொல்லும்

வழக்கத்தை வேறெங்காவது

வைத்துக்கொள்ளுங்கள் !

தயவு செய்து கடலில் வேண்டாம் !


கண்டனங்கள் ,

இரங்கல்கள் ,

அறிக்கைகள் ,

சந்திப்புகள் ,

தீர்மானங்கள் ,

நிவாரணங்கள் ,

இவைகளின் மீதான

நம்பிக்கையும்

எங்களைப்போலவே

எங்களிடம் செத்து விட்டது !


ஆயிரம் இன்னல்கள்

வந்தாலும்

அன்னை மடியை

விட்டு விடாத

குழந்தைகள் நாங்கள் !


எங்களுக்கு வேறு

போக்கிடம் இல்லை !





No comments:

Post a Comment