Friday, January 7, 2011

குழந்தையின் தவிப்பு



இரண்டு வாரங்களாக

நாம் பேசிக்கொள்வது இல்லை .


இந்த மூன்று வருடங்களாக

நாம் பேசி பேசித்தானே

காதல் வளர்த்தோம் .


உன்னைககாதலித்த பிறகு

நான் மதுவைத்தொடுவதில்லை .

உன் சிணுங்கல் பார்வையும் ,

கொஞ்சும் சிரிப்பும் ,

வருடும் பேச்சும்

தரும் இதத்தில் - எனக்கு

வேறு போதைகள் பெரிதாகப்படவில்லை



இப்போதெல்லாம் நான் கோவிலுக்கும் போவதில்லை

உன் அருகாமை எனக்கு

சொர்க்கத்தின் கத கதப்பைத் தருவதால்

வேறெந்த வைகுண்டமும் தேவை இல்லை .


நான் உன் மீது அதீத உரிமை

எடுத்துக்கொள்வதாக கோவிக்கிறாய்

உன் சுதந்திரம் தடை படுவதாய்

புகார் சொல்கிறாய் .


காதலியான உனது குறைகளை

உன்னிடமே சொல்லும்போது

உன்னை என் உற்ற தோழியாகத்தான்

கருதிக்கொள்கிறேன் .


தனக்கானது எதுவாயினும்

தனக்கே என இருக்க வேண்டும்

என்ற குழந்தையின் தவிப்புதான்

உன் மீது நான் காட்டும் கோபம் .


எனக்காக இல்லாவிட்டாலும்

நம் காதலுக்காகவாவது

நான் பக்குவப்படும் வரை

நீ

பிற ஆண்களிடம் பேசுவதை

குறைத்துக்கொள் .

No comments:

Post a Comment