Skip to main content
வந்தாலும் வரலாம்




வெளியே

வெயிலின் தலைவன்

உச்சியில் இருந்தான் !



வெக்கையில்

வெந்த தேகம்

சடுதியில் சக்கையானது !



எவனைப்பார்த்தாலும்

எரிச்சலாய் இருந்தது !


சென்றவிடமெல்லாம்

சாக்கடை மணத்தது !


யாவருக்கும்

முன்மண்டையில்

உற்பத்தியாகிப் பொழிந்தது

வியர்வையின் அருவி !


ஆசைகள்

ஆயுளை நீட்டின !


மருந்துகள்

மரணத்தை ஒத்திப்போட்டன !


விளைவாய் ,

கும்பல் கும்பலாய்

கூட்டம் கூடிக் கும்மியடித்தது !


விலகாமலேயே

விலக்கப்பட்டார்கள் !


நெருங்காமலேயே

நெருக்கப்பட்டார்கள் !


நடக்காமலேயே

நகர்த்தப்பட்டார்கள் !


சிந்தையில்லா

மனிதர்கள்

மந்தையைப்போல

மிரண்டு ஓடினர் !


பேருந்தில்

பெருங்கூட்டம் !


உணவகத்தில்

உலகக்கூட்டம் !


கடைகளில்

கணக்கில்லாத கூட்டம் !


திரையரங்குகளில்

திருவிழாக்கூட்டம் !


வண்டிக்காரன் ஒருவன்

முண்டியடித்து

சண்டித்தனம் செய்தான்

சீருடைக் காவலன் ஒருவன் - அவனை

தண்டிப்பேன் என கண்டித்தான் !


போக்குவரத்தின்

நெரிசலில்

வரிசையின் தர்மம்

விரிசல் கண்டது !


நகர்ந்து செல்லும் வாகனங்கள்

நொடி நேரம் நின்றாலும் - அன்றைய

நாளின் பொழுது நடுச்சாலையில் தான் !


சத்தம் அதிகமாய் இருந்தவனே
யுத்தத்தில் வென்றான் !

உலகறியாத குழந்தைகள்

உரத்து அழுதன !


தம்பதிகளின்

தெருச்சண்டையில்

தாம்பத்தியம்

தரம் தாழ்ந்தது !


வகையாய்க் குடித்த

வாலிபர்கள் வஞ்சங்களை

வசைபாடித் தீர்த்துக் கொண்டனர் !


எவளோ எவளையோ

முறைத்தாள் !


எவனோ எவனையோ

அறைந்தான் !


மனதை ரணப்படுத்தும்

நாக்குச் சாட்டை

சுதந்திரமாய்ச்

சொடுக்கப்பட்டது !


நான்கு திசைகளிலும்

நாராச ஒலி

செறிந்து செறிந்து

உச்சத்தை அடைய ,


கேட்டது ,


பேரிரைச்சல் அல்ல

பேய் இரைச்சல் !


காதுகளில் பாய்ந்தது


நகரத்தின் சத்தம் அல்ல

நரகத்தின் சத்தம் !


அடுத்த

பத்தாண்டுகளில்

பூங்காவிற்குச் செல்வதென்றாலும்

பதிவு செய்து காத்திருக்க வேண்டும் !


நடைபயிலுவதற்கும்

நடைபாதைச் சீட்டு வாங்க நேரிடும் !


வீதிகளில் உலவுவதற்கு

விலக்கு வந்தாலும் வரலாம் !!!




Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…