Skip to main content
வாழ்க தேசியம் !
ஓங்குக நாட்டுப்பற்று
!






தொலைக்காட்சியில்
ஓடிக்கொண்டிருந்தது
ஒரு சர்வதேசப் போட்டி !
நான் ,
பார்த்துக் கொண்டிருந்தேன்
ஒய்யாரமாகக்
கால்களை நீட்டி !

அங்கே,
அரையுங்குறையுமாய்
இரு பெண்கள்
வந்தாடினார்கள் !
வியர்க்க வியர்க்க
ஓடி ஓடி
பந்தாடினார்கள் !

இருவரில் ஒருத்தி
என்
தாய்நாட்டுக்காரி !
இன்னொருத்தி,
வேறு எதோ
பேய்நாட்டுக்காரி  !

நான்,
மந்திரித்து
விட்டது போல
முந்திரி
தின்றுகொண்டே
சுந்தரிகளை
சுவாரசியமாய்
பார்த்துக்கொண்டிருந்தேன் !

ங்கொக்கமக்கா !

வாங்கியே
ஆகவேண்டும்
தங்கம் !
இல்லையெனில்,
அது
தாய்நாட்டுக்கே
பங்கம் !

சுந்தரிகள்
இருவருமே
நெருங்கி வந்தனர்
வெற்றியை !
அநியாயத்துக்கு
நெளிய வைத்தனர்  - என்
நெற்றியை !

அடியேன்,
தொலைக்காட்சியிலேயே
கண்களை
சிறையிட்டேன் !
எல்லா
கடவுளிடமும்
வஞ்சனையில்லாமல்
முறையிட்டேன் !

இறுதியில்,
தாய்நாட்டுக்காரி
தங்கம் வென்றெடுத்தாள் !

தலைகால் புரியாமல்
கத்தினேன் !
கையை மடக்கிக்
காற்றில் குத்தினேன் !

உய் உய் உய் உய் !

வாய்நோக
அடித்தேன் சீட்டி !
ஏமாற்றாமல்
எதிர்பார்த்ததைத்
தந்து விட்டது போட்டி !

அப்பாடா !
இப்போதுதான்
இந்தநாள்
இனிமையாகப்
பூரணமாகும் !
தின்ற முந்திரி
நன்றாக
சீரணமாகும் !

ஆகிவிட்டது !

ஏப்பம் விட்டபடி
எழுந்து வந்தேன்
வீட்டின் வெளியே !

அங்கே,

பக்கத்துவீட்டுப்
பவழமல்லி
என் வீட்டுக்
கொல்லையில்
தலை நீட்டியிருந்தது !

வந்ததே கோபம் !
ங்கொய்யாலே ..........

பக்கத்து வீட்டானை
வார்த்தைகளால்
பொரிந்தேன் !
வேகமாய்
வேட்டியை
வரிந்தேன் !

செடியின் தலையை
அந்தப்புறம்
மடித்தேன் !
அப்புறம்,
அது உதவாதென்று
ஒட்டுமொத்தமாய்
ஒடித்தேன் !

விருட்டென்று
திரும்பி
வீட்டுக்குள் வந்துவிட்டேன் !

அப்போது
அலைபேசி அதிர்ந்தது !
குடிகொண்ட கோபம்
கொஞ்சம்போல உதிர்ந்தது !

எடுத்தால்,
எதிர்முனையில் நண்பன் !

வாடா வா !

தாய்நாடு
தங்கம் வென்றதை
இருவரும்
அங்கம் பூரிக்க
அறிவித்துக் கொண்டோம் !
விருந்துண்டு
வெற்றியைக்
கொண்டாடுவதென
உளப்பூர்வமாய்த்
தெரிவித்துக் கொண்டோம் !

கிளம்பி வந்தேன்
வெளியே !

அங்கே,

பவழமல்லி
பரிதாபமாய்
ஒடிந்து கிடந்தது !
சொல்லப்போனால்
கிட்டத்தட்ட
பாதியளவு
மடிந்து கிடந்தது !

கிடக்கிறது
கழுதை !

தங்கம் வென்றுவிட்டது !
தாய்நாடு

பவழமல்லியாவது !
பக்கத்து வீடாவது !

வாழ்க தேசியம் !
ஓங்குக நாட்டுப்பற்று ! 

Comments

  1. என்ன சொல்ல வரீங்க குரு ...
    பக்கத்துக்கு வீட்டு மனிதர்களிடம் கருணை காட்டாதவன்

    ஒட்டுமொத்த நாட்டின் வெற்றியை ...

    தன் சுயத்தின் சுகத்திற்காக கொண்டாடுகிறான் என்றா ?

    எதார்த்தத்தை அழகாக எளித வருகிறது .......

    இன்னும் கூட எதிர்பார்கிறேன்

    ReplyDelete
  2. நாட்டுப்பற்று என்பது ஒருவகையான வன்முறையாகவே நம்முள் பதிவு செய்யப்பட்டுள்ளது ! அந்த வன்முறை நம் பக்கத்து வீட்டுக்காரனிடமும் பிரதிபலிக்கிறது என்று சொல்லவந்தேன் என்று நினைக்கிறேன் தோழி ! மற்றபடி கொஞ்சம் குருட்டாம் போக்கில் எதுகை மோனை அழகுக்காகவே இக்கவிதை ( ? ) எழுதப்பட்டது என்பதே அப்பட்டமான உண்மை !

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…