Skip to main content
புனிதம்





ஓட ஆரம்பித்தது
ரயில் !
ஆடி ஆடி
போவதில் தான்
என்ன ஒரு
ஒயில் !
கூ கூ எனக்
கூவுவதில்
அது ஒரு குயில் !,
ஓரிரு நிமிடத்தில்
ஏற்படும்
தன்னிலை மறந்த
துயில் !

போய்க்
கொண்டிருக்கிறேன்
ஊர் !
எங்கெங்கோ
கிளை பரப்பினும்
அங்குதானிருக்கிறது
வேர் !

புறப்படும் முன்பே
ஆண்டவனிடம்
வேண்டியிருந்தேன் !
மனப் பரப்பில்
ஆசைப் பள்ளம்
தோண்டியிருந்தேன் !

அப்படியென்ன
ஆசை அது ?

பயணத்தின் போது
எதிரே வேண்டும்
இளமையான ஒரு
 பெண் !
அப்புறம்
அரும்பாடுபட்டாவது
அறிய வேண்டும்
அவளது
அலைபேசியின் எண் !

நானும் அவளும்
ஒருவரையொருவர்
பார்க்க வேண்டும் !
கண்ணோடு கண்
கோர்க்க வேண்டும் !
இதயத்தை
இடம் மாற்றி
சேர்க்க வேண்டும் !
இளமை வேருக்கு
காதல் ரசம்
வார்க்க வேண்டும் !

பக்குவமாய்
இதைத் தான்
இறைவன் காதில்
போட்டிருந்தேன் !
எண்ணியது
ஈடேறும்படி
ஈசனவன் காலைப் பிடித்துக்
கேட்டிருந்தேன் !

அப்போது
அங்கு வந்திட்டாள்
அட்டகாசமாய்
ஒருத்தி !
இதயத்தில் வெடித்தது
பஞ்சு பஞ்சாய்
பருத்தி !

பார்த்ததுமே
புன்னகை !
சத்தியமாய்த்
தோற்றது
அவளணிந்த
பொன்னகை !

ஆஹா .........

வினாடியில்
வண்ணமாகிவிட்டது
புவி !
நன்றாகத்தான்
கேட்கிறது
இறைவனுக்கு
செவி !

ம்கும்
என்றொரு
கனைப்பு !

நிமிர்ந்து பார்த்தால்
நின்றிருந்தான்
நடுத்தர வயதுக்காரன் !

அநேகமாய்
அவன்
அவளுக்கு
அப்பனாயிருக்கலாம் !

ச்சே !

கெட்டதே
குடி !
பட்டென்று அறுந்ததே
பறந்து கொண்டிருந்த
கொடி !

அவள்
என்னெதிரே
வந்தமர்ந்தாள் !
வா ! வா !
அவளருகே
அந்த அப்பன் !
போ ! போ !

நான்,
தாடையை
சொறிந்தேன் !
வெறுப்போடு
அத்தகப்பன் மீது
பார்வையை
எறிந்தேன் !

அவன்
தன் மகளுக்கு
பிஸ்கோத்து
பிரித்துக் கொடுத்தான் !
பிறகு
புட்டி திறந்து
பாசமாய்,  நீர்
பருகக் கொடுத்தான் !

அவள்
தந்தை தோளில்
தலை சாய்த்துக்கொண்டாள் !
அவன்
அன்பொழுக
மகளின் தலையைத்
தடவிக் கொடுத்தான் !

சட்டென்று
சூழலில்
புனிதம் வந்து
ஒட்டிக் கொண்டது !
ஏனோ தெரியவில்லை
கண்ணீரானது
கண்ணில் வந்து
முட்டிக் கொண்டது !

சுற்றிலும் பார்த்தேன் !

கிழவியொருத்தி
நின்றிருந்தாள் !

இங்கே
அமரவேண்டியவள்
இப்போதைக்கு அவள்தான் !

எழுந்து போனேன் !
 என்னிருக்கையில்
அமரச்சொன்னேன் !

கேட்டதும்
கிழவிக்கு
வாயெல்லாம் பல் !
சட்டென்று
இறங்கியது
பாரமாயிருந்த
ஒரு பெரிய கல் !

கதவருகே
காலியாயிருந்தது !

காற்று வந்து
உரிமையோடு
தலை கலைத்தது !

வெளியே
தெரிந்த இயற்கையோடு
நான்
பேசத் தொடங்கினேன் !



Comments

  1. ஒரு மெக்கா சீரியல் பார்த்து முடித்ததுபோல் இருந்தது
    தன்கள் கவிதை அருமை!..தொடர வாழ்த்துக்கள் .மிக்க
    நன்றி பகிர்புக்கு .

    ReplyDelete
    Replies
    1. தங்கள் பின்னூட்டத்திற்கு மிக மிக நன்றி அன்பு

      Delete
  2. ஒரு ஆணின் மனநிலை
    அப்பட்டமான படபிடிப்பு ..........

    சிற்றின்பத்தின் கடைசி புள்ளியில்
    தொடருது பேரின்பத்தின் பயணம் .....

    அருமையான உள்ளீடுகள் தொடருங்கள் நண்பா
    வார்த்தைகள் தோறும் மோனையும் எழுதுகையும் தோரணமாய் அலங்கரிக்கிறது உங்கள் கவிதையை

    ReplyDelete
    Replies
    1. கவிதையில் உள்ள பேரின்பத்தின் சாரத்தை அப்படியே உள்வாங்கி , பின்னூட்டமாக வெளியிட்டதற்கு நன்றி தோழி

      Delete
  3. கவிதை அருமை. வாழ்த்துக்கள்

    ReplyDelete
    Replies
    1. வாசித்து கருத்து தெரிவித்தமைக்கு மிக்க நன்றி

      Delete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …