குறிப்பு : சுத்தக்காரர்கள் இக்கவிதையைப் படிக்க வேண்டாம் !
சுகாதாரம்
சுகாதார அமைச்சர்
பள்ளிக்கு வருகிறாராம் !
கிழிந்து விட்டது
ஒட்டுமொத்த உற்சாகமும்
அழிந்து விட்டது !
தலைமையாசிரியர்
தலையில் அடித்துக் கொண்டார் !
உடனடியாக
அணி பிரிக்கப்பட்டது !
பணி ஒதுக்கப்பட்டது !
சுற்றுப்புறத்தில்
வீசியது
சுத்தத்தின் புயல் !
அங்கே
ஒவ்வொருவனும் ஆனான்
ஒரு குட்டி முயல் !
கூட்டலும், பெருக்கலும்
தரையில் நிகழ,
சொடுக்கப்பட்ட பம்பரமாய்
யாவரும் சுழல,
பித்தம் பிடித்தது போல
யுத்தம் செய்வது போல
யாவரும் அங்கே
சுத்தம் செய்தார்கள் !
ஓடி ஓடி
சுவரெல்லாம்
வெள்ளையடித்தார்கள் !
தேடித் தேடி
தூசியைக்
கொள்ளையடித்தார்கள் !
வேர்த்து வேர்த்து
கோலங்கள் இடப்பட்டன !
பார்த்துப் பார்த்து
பூஞ்செடிகள் நடப்பட்டன !
தலைமையாசிரியர்
மூக்கு விடைத்தபடி
மேற்பார்வை பார்த்தார் !
நோட்டம்
முடிந்ததும்
கூட்டம் நடந்தது !
பாக்கி இருப்பவை
பட்டியல் போடப்பட்டன !
அதன் படி,
வளாகமெங்கும்
வண்ணங்கள் தீட்டப்பட,
ஆங்காங்கே
கம்பீரமாய்
கொடிகள் நாட்டப்பட,
வாழ்த்துரைகள்
மீண்டும் மீண்டும்
வாசித்துக் காட்டப்பட,
நேரம் இல்லையென்று
கழிவறை மட்டும்
கமுக்கமாய்ப் பூட்டப்பட,
அந்த நாளும்
வந்து விட்டது !
ஆர்ப்பரித்தது
பார் !
கூடி நின்றது
ஊர் !
வரிசை கட்டியது
கார் !
தோற்றுப் போனது
தேர் !
அமைச்சர்
வந்திறங்கினார் !
இருமுறை
இருமினார் !
தொண்டையை
செருமினார் !
வெயில் ஆகாமல்
வியர்வையில்
பிசுபிசுத்தார் !
அப்புறம் குனிந்து
உதவியிடம்
கிசுகிசுத்தார் !
உதவி,
தலைமையாசிரியரை
நெருங்கி,
அவர் காதோடு
சொன்னார்,
" தலைவருக்கு
கொஞ்சம் போல சர்க்கரை !
சில நிமிடங்கட்கு ஒருமுறை
சிறுநீர் கழித்தாக வேண்டும் !
கொஞ்சம் உங்கள்
கழிவறையைக் காட்டுங்கள் ! "
சுகாதாரம்
சுகாதார அமைச்சர்
பள்ளிக்கு வருகிறாராம் !
கிழிந்து விட்டது
ஒட்டுமொத்த உற்சாகமும்
அழிந்து விட்டது !
தலைமையாசிரியர்
தலையில் அடித்துக் கொண்டார் !
உடனடியாக
அணி பிரிக்கப்பட்டது !
பணி ஒதுக்கப்பட்டது !
சுற்றுப்புறத்தில்
வீசியது
சுத்தத்தின் புயல் !
அங்கே
ஒவ்வொருவனும் ஆனான்
ஒரு குட்டி முயல் !
கூட்டலும், பெருக்கலும்
தரையில் நிகழ,
சொடுக்கப்பட்ட பம்பரமாய்
யாவரும் சுழல,
பித்தம் பிடித்தது போல
யுத்தம் செய்வது போல
யாவரும் அங்கே
சுத்தம் செய்தார்கள் !
ஓடி ஓடி
சுவரெல்லாம்
வெள்ளையடித்தார்கள் !
தேடித் தேடி
தூசியைக்
கொள்ளையடித்தார்கள் !
வேர்த்து வேர்த்து
கோலங்கள் இடப்பட்டன !
பார்த்துப் பார்த்து
பூஞ்செடிகள் நடப்பட்டன !
தலைமையாசிரியர்
மூக்கு விடைத்தபடி
மேற்பார்வை பார்த்தார் !
நோட்டம்
முடிந்ததும்
கூட்டம் நடந்தது !
பாக்கி இருப்பவை
பட்டியல் போடப்பட்டன !
அதன் படி,
வளாகமெங்கும்
வண்ணங்கள் தீட்டப்பட,
ஆங்காங்கே
கம்பீரமாய்
கொடிகள் நாட்டப்பட,
வாழ்த்துரைகள்
மீண்டும் மீண்டும்
வாசித்துக் காட்டப்பட,
நேரம் இல்லையென்று
கழிவறை மட்டும்
கமுக்கமாய்ப் பூட்டப்பட,
அந்த நாளும்
வந்து விட்டது !
ஆர்ப்பரித்தது
பார் !
கூடி நின்றது
ஊர் !
வரிசை கட்டியது
கார் !
தோற்றுப் போனது
தேர் !
அமைச்சர்
வந்திறங்கினார் !
இருமுறை
இருமினார் !
தொண்டையை
செருமினார் !
வெயில் ஆகாமல்
வியர்வையில்
பிசுபிசுத்தார் !
அப்புறம் குனிந்து
உதவியிடம்
கிசுகிசுத்தார் !
உதவி,
தலைமையாசிரியரை
நெருங்கி,
அவர் காதோடு
சொன்னார்,
" தலைவருக்கு
கொஞ்சம் போல சர்க்கரை !
சில நிமிடங்கட்கு ஒருமுறை
சிறுநீர் கழித்தாக வேண்டும் !
கொஞ்சம் உங்கள்
கழிவறையைக் காட்டுங்கள் ! "
பள்ளி பருவத்தின்
ReplyDeleteநினைவுகளை
மீள் பிரசுரிக்கிறது
உங்கள் வரிகள்
வரி வரியை
பள்ளியை சுற்றி
வட்டம் போட்டு இருக்கிறீர்கள் ....
நிதர்சனம் கண் முன்
நிழலாடுது .........
சமூகத்தின் அவலத்தை
சாட்டையால் அடித்தது போல ......
சுத்தம் செய்ய வேண்டிய இடம் தவிர
அனைத்தும் சுத்தம் .........
மனித மனம் போல
அசுத்தத்தின் மறைவிடங்கள்
ஆழ வெளிபடுகிறது கவிதையில்
பாராட்டுக்கள் ..........
அப்பா ! கவிதை என்று நான் நினைத்துக் கொண்டு எழுதியதை விட அதற்கு கவிதையாக ஒரு பின்னூட்டம் இட்டுள்ளீர்களே, அது இன்னும் கவிதையாக இருக்கிறது ! சில நேரங்களில், ஆட்டைக் கொண்டு போய் சிம்மாசனத்தில் ஏற்றினால், அது கம்பீரமாகத் தெரியுமாம் ! அது போலத் தான், உங்கள் சிம்மாசனப் பின்னூட்டத்தில் எனது ஆட்டுக் கவிதை கம்பீரமாய்த் தெரிகிறது ! நன்றி
ReplyDeleteஎதையும் பிரமாண்டமாய் பார்க்கும் அதே கண்தான் புள்ளியையும் பார்க்கிறது
Deleteநன்றி நண்பா