Skip to main content
முகநூல் அழகி






முதன் முதலில்


முகநூலில் அவள்


முகம் பார்த்தேன் !




பால்நிலவொளி


பளிங்குக்கல்லில்


பட்டுத்தெறித்தது போல


பைங்கிளியவள்


பட்டொளிவீசிக்கொண்டிருந்தாள் !




" நான் நலம்


நீ நலமா ? " என்று


நாசுக்கானதொரு


நேசவரியை அனுப்பிவைத்து


நாட்கணக்காய்


நகம்கடித்துக் காத்திருந்தேன் !




நான்கு நாட்கள் கழித்து


நான் யார் என்பதை


யூகிக்க முடியாமல்


" யார் இது ? " என்று


ஒரே ஒருவரியை மட்டும்


ஒப்புக்கு அனுப்பியிருந்தாள் !




எதிர்பாராத அவள்


எதிர்வினை கண்டு


மேற்கொண்டு என்ன செய்வதென


மேலும் மேலும் யோசிக்கலானேன் !




நான்


அனுப்பியது போன்றதொரு


அன்புத்தூதை அநேகமாக


ஆயிரம் பேராவது


அவளுக்கு அனுப்பியிருப்பார்கள் .


அவளும் அவைகளை


அழகாக மறுத்து மறுத்து


வெறுத்துப் போயிருப்பாள் !


நான் அவளுக்கு அந்த


ஆயிரத்தோடு ஒருவனாய்


ஆவதா ? அல்லது


ஆயிரத்தில் ஒருவனாய்


ஆவதா ? என்பதை


ஆண்டவனால் கூட


அனுமானிக்க முடியாது என்று


அடிமனதில் ஒரு அவலக்குரல்


அடிக்கடி சொல்லித்தொலைத்தது !




கொதிநீருள்ள


கண்ணாடிக் குடுவையை


கைகளில் வைத்துக்கொண்டு


கயிற்றின் மீது நடக்கிறாயே


கடன்காரா ! என்று


மனசாட்சி மௌனமாய்


மனதிற்குள் சிரித்தது !




இருந்தாலும்


இயன்றவரை


முயன்று பார்ப்பதை


அனுபவத்திலும் சிறிது


பயின்று பார்ப்போமே என்று ,


" நான் இன்னார் .


இங்கு பணிபுரிகிறேன்


உன்னோடு நட்புச்செய்ய


உவப்பாய் உள்ளேன்


விருப்பமிருந்தால்


விருப்பம் தெரிவி ! " என்று


நாகரிகமாய் நயந்து


அனுப்பினாலும்


பதில் வருமோ வராதோ என


பயந்து காத்திருந்தேன் !




பத்து நாளாகியும்


பதில் வராததால்


" போடி இவளே ! " என்று


பிழைப்பைப் பார்க்கப்


புகுந்த போது ,


முகநூலில் அவள்தன்


முகவுரை அனுப்பியிருப்பதை


மின்னஞ்சல் ஒன்று


மின்னல் போல அறிவித்ததில்


இதயத்தில் ஓர்


இன்பப்பின்னல்


இதமாய் வந்து விழுந்தது !




முகவுரை அனுப்பியவளுக்கு


பக்கத்தை நிரப்பி


பதிலுரை எழுதி ,


பதில் வருமா என


பைத்தியகாரன் போல


பரிதவித்திருந்தேன் !




சிலநாட்கள் கழித்து


சாவகாசமாக ,


" சரி " என்று மட்டும்


செய்தியனுப்பினாள்


சதிகாரி !




அடுத்ததாக அவளது


அலைபேசி எண் கேட்டு


அறிவுகெட்டு அரைவரியில்


அனுப்பினேன் மறுசெய்தி !


சுக்கிரன் எனக்கு


சூனியம் வைத்து விட்டான் போலும் !


பழையபடியே


பத்து நாளாகியும்


பதிலில்லை !




ஆனாலும் ஒரு


நப்பாசையில் ,


அவள் மீதிருந்த


தப்பாசையில் ,


முகநூலை ,


மீண்டும் மீண்டும் திறந்தேன் !


அன்றாட அலுவலை


அடிக்கடி மறந்தேன் !


அவள் நினைவாலேயே


மனத்தால் மட்டும்


மறுபடி மறுபடி இறந்தேன் !




மாதம் ஒன்று


உருண்டு போயிருந்த போது


அவள் முகம்


என் மனத்திரையில்


இருண்டு போயிருந்தது !


பிழைப்பு


பிழைத்திருத்தம் செய்யப்பட்டு


பழையபடி பங்கமில்லாமல் நடந்தது !




ஆனால் ,




மந்தகாசமான


ஒரு வெள்ளிக்கிழமை


மாலையில் ,


முகநூலை


மறுபடியும் திறந்தபோது


மற்றொருத்தியின்


முகம் பார்த்தேன் !




தங்கத் துகள் கொண்டு


அங்கம் செய்தது போல


மினு மினுவென


மின்னிக்கொண்டிருந்தாள் அந்த


முகநூல் அழகி !!!




" நான் நலம்
நீ நலமா ? " என்று
நாசுக்கானதொரு
நேசவரியை அனுப்பிவைத்து
நாட்கணக்காய்
நகம்கடித்துக் காத்திருக்கலானேன் !!!






குறிப்பு : முகநூல் - face book




Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…