Skip to main content
சமூக முதிர்ச்சி





சேர்ந்தாற்போல
நான்கு இளைஞர்கள்
நடந்து போனால்
காட்டாயம் அவர்களிடம்
மதுவாசம் !

தகாத வார்த்தைகளால்
தந்தையைத் திட்டுகிறான்
ஒரு சிரிப்பு நடிகன் !
தியேட்டரில்
கைதட்டுகிறார்கள் !

பள்ளிச்சிறுமி ,
கையில் அலைபேசி ,
நமட்டுச் சிரிப்பு
அடிவயிற்றில் பகீர் !

ஆசிரியர்களை 
வேவு பார்க்க
மாணவர்களை
நியமிக்கும்
பள்ளி நிர்வாகம் !

ஜோதிடர்களின்
தயவால் தான்
இன்னும்
கூட்டமிருக்கிறது
கோவில்களில் !

காதல் பேசுவது
பெண்களுக்குப்
பொழுது போக்கு !
இளைஞர்களுக்கு
பிறவிப் பயன் !

முகநூலை
தடை செய்தால்
லட்சக்கணக்கில்
தீக்குளிப்பு கட்டாயம் !

அருந்தமிழ் நாட்டில்
அடுக்கு மொழியில்
ஆங்கிலம் பேசும்
ஐந்து வயதுக் குழந்தைக்கு
அம்மா என்ற வார்த்தை
தெரியவில்லை !
பலே !

பந்தி போடும்
வரை தான்,
கல்யாண வீடுகளில்
கூட்டமெல்லாம் !

வரிக்கு
விலக்கிருப்பதை
உறுதி செய்த பின்புதான்
வக்கற்றோரை நோக்கி
உதவிக் கரங்கள்
நீள்கின்றன !

கற்பு என்பது
கெட்ட வார்த்தை !

பாசம் என்பது
மூட நம்பிக்கை !

புனிதம் என்பது
பைத்தியகாரத்தனம் !

பற்றியெரியும்
குடிசையின் முன்
குளிர்காய்கிறார்கள் !
ஒளி கொடுக்கும்
தீபத்தை
ஊதி அணைக்கிறார்கள் !
மாற்று சிந்தனையாம் !

" பெண்களுக்கென்று
தனியாக
மதுபானக் கடைகள்
திறக்கப் படும் "
அடுத்த
தேர்தலுக்கு
ஒரு வாக்குறுதி
தயார் !

" எதற்கும் சற்று
வறுமைக் கோட்டை
இறக்கியே போடு ! "
ஐநா சபைக்கு
கணக்குக் காட்ட
உதவும் !

இனிவரும்
இன்குபேட்டர்களில்
கருமுட்டைகள்
குழந்தைகளாகும் !

' இதிலென்ன தப்பு ? ' என்று
இறைச்சிக் கடைகளில்
இறந்தவர்களின்
சடலங்கள்
தொங்கும் நாள்
இதோ வந்துகொண்டிருக்கிறது !

" சமூக முதிர்ச்சி "
என்பதன் பொருளே
மேற்சொன்ன
மாற்றங்களை
ஏகோபித்து
ஏற்றுக் கொள்வதுதானே !
வேறென்ன ???










Comments

  1. சமூக முதிர்ச்சி மிகவும் கவலைப்பட வைக்கிறது. ஆக்கம் அருமை.

    ReplyDelete
  2. தங்களின் கருத்துக்கு நன்றி ஐயா

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…