Skip to main content
பிரம்மச்சாரி - 2 




ச்சை !
வாழ்ந்து வாழ்ந்து
அலுத்து விட்டது !
ஏங்கி ஏங்கி
இதயம்
உலுத்து விட்டது !

சொடுக்குப்
போடுவதற்குள்
இதோ
வந்துவிடும்
நாற்பது !
திருமணப் போட்டியில்
எத்தனை முறைதான்
தோற்பது ?

ஆணும் பெண்ணும்
சேர்ந்து படிப்பதுதான்
வாழ்க்கை எனும்
பாடம் !
கால்களே போனபின்பு
காளைகளுக்கு எதற்கு
லாடம் ?

முன்னூறு
ஆண்களுக்கு
பெண்கள் மொத்தமே
மூன்றுதான் !
நகரப் பேருந்து கூட
அதற்கொரு நல்ல
சான்றுதான் !

பகிர்ந்துண்ண
காதலியில்லை
கடற்கரையில் வாங்கிய
சுண்டலை !
யார் கரைசேர்ப்பார்கள்
எங்கள்
வாலிபம் என்னும்
வண்டலை ?

எந்தப்பாலினமும்
எதிர்பார்ப்பது
எதிர் பாலினத்தின்
சூழலை !
எங்கு போய்
முறையிடுவது
பெண்சிசுக்கொலை என்ற
ஊழலை ?

பெண்ணை
எதிர்பார்த்து
கண்ணை
மூடிக்கொண்டு
ஏதாவதொரு
எண்ணை
அலைபேசியில்
அழுத்தினால்
எதிர்முனையில்
ஏக்கத்தோடு
ஹலோ சொல்கிறான்
' என்னைப் போல் ஒருவன் ' !

பெண் பிறந்தாலே
நாளை
பட்டாசு வெடிக்கும்
நிலை வரும் !
கனிந்து நிற்கும்
கிழவிகளுக்கும்
கண்ணம்மா பேட்டையில்
சிலை வரும் !

பொன்னகையா
கேட்கிறோம்
சம்மதம் சொல்லும்
புன்னகை தானே
கேட்கிறோம் !

வேண்டாம்
வரதட்சணை
என்றாலும்
வரா  தட்சணையாகத்தானே
இருக்கிறது
வாழ்க்கைத்துணை !

விதவையாவது
வாழ்வு கொடுப்பாளா
என்று போனால்,
விண்ணப்பம் வாங்க
வரிசையில்
வரச்சொல்கிறார்கள் !

விவாகரத்தானவளுக்கு
விண்ணப்பம்
தீர்ந்தே விட்டதாம் !

விபச்சாரியிடம்
போய்க் கேட்டால்
அவள்
இப்படிச்சொல்கிறாள்,

" வருடக்கணக்கில்
ஓசியாய் இருப்பதற்கு
வேசியாய் இருப்பதே
ஈசியாய் இருக்கிறது
ஏசி விடுவதற்குள்
எழுந்து ஓடு "

மண்ணுக்காக அல்ல
பெண்ணுக்காக
உருவாகப் போகிறது
இங்கு
இன்னொரு மகாபாரதம் !

பிறக்கப் போகிறார்கள்
பல கோடி
பாண்டவர்கள் !
பல்லாயிரம் கோடி
பீஷ்மர்கள் !

அப்போதும் ,
பாஞ்சாலிகளுக்குத்தான்
நிலவப் போகிறது
கடுமையான
பஞ்சமே !
இருநூறாவது
தவணையில் தான்
கிடைக்கப்போகிறது
இணை சேர்வதற்கான
மஞ்சமே !

காமச்சூட்டை
எத்தனை நாள்தான்
குப்புறப்படுத்தே
அப்புறப் படுத்துவது ?

அட !
அது கிடக்கட்டும் !

மனதைத் தழுவவும்
மங்கையில்லையே !
மொண்டு குடிக்கவும்
கங்கையில்லையே !

சட்டமாக்கப்பட்ட
ஆண் - ஆண் இணைவு
நாளை
கட்டாயமாவதற்குள்
செத்து விட வேண்டும் !!!


Comments

  1. விரக்தியில் எழுதிய கவிதையோ
    சொந்த அனுபவமா,இல்லை நிறைய பார்த்த அனுபவமா . இந்த அளவு பாதிப்பு இன்னும் ஒரு 15 வருடங்களில் ஏற்பட்டுவிடும் என எண்ணுகிறேன்.இப்போதே வந்துவிட்டதாகக் கவிதை சொல்கிறது. உண்மையா?

    ReplyDelete
  2. வருகைக்கும் கருத்துக்கும் நன்றி தோழி ! இக்கவிதையில் ( ? ) எழுபத்தி ஐந்து சதவிகிதம் சொந்த, நொந்த அனுபவம் தான். மீதி கண்டதையும் கேட்டதையும் வைத்து எழுதியது. இன்னும் பதினைந்து ஆண்டுகளில் இந்த நிலை வந்துவிடுமா ? அந்த மகாவிஷ்ணு பாற்கடலில் ஒய்யாரமாகப் படுத்துக்கொண்டு ஆண் குழந்தைகள் சகட்டு மேனிக்குப் பிறந்து கொண்டிருப்பதை வேடிக்கை பார்த்துக் கொண்டிருக்கிறார் போலும். இக்கவிதையில் சற்று மிகையாக சித்தரிக்கப்பட்ட அந்த " நிலை " அடுத்த பதினைந்து வருடங்களில் வருவது நம் சமூகத்துக்கு நிச்சயமாக, சத்தியமாக, உறுதியாக, ஆரோக்யமானதல்ல.

    கருத்துக்கு மீண்டும் நன்றி !

    ReplyDelete
  3. தேவா இந்த நிலை, மாறும் ஒருநாள், சங்கீதா போல் ஒரு பெண் வருவாள் ஒருநாள், அந்நாள் உங்களுக்கு மட்டும் அல்ல எங்களுக்கெல்லாம் திருநாள்

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
ரயில் சினேகிதி 




சட்டென்று
எனக்குள்
சகலமும்
வெளிச்சமாகி
விடுகின்றன,
எதற்கோ புன்னகைத்தபடி
எதிரே வந்தமர்ந்த
அவளைப் பார்த்ததும் !

கோழிக்குஞ்சை
உள்ளங்கையில்
பொத்திக் கொண்டால்
எப்படியிருக்குமோ
அப்படியிருக்கிறது
என் காதுகளுக்கு
யாருடனோ பேசியபடி
அவள் சிரிப்பது !

வேடிக்கை பார்த்தபடி
பூ விரல்களால்
அவள் கழுத்தை
அவளே
வருடிக் கொள்கிறாள் !
இங்கே எனக்கு
சொக்குகிறது !

எப்படியும்
நிமிர்ந்து என்னைப்
பார்த்து விடுவாள்
என்ற நம்பிக்கையில் தான்
எழுந்து போய்
காசு போடுகிறேன்
அந்த
குருட்டுப் பிச்சைக்காரனுக்கு !

இளஞ்சிவப்பு
நெயில் பாசிஷ்
தடவிய
அவள் பாதங்களைப்
பார்த்துக் கொண்டிருக்கறேன்,
சட்டென்று
கதை பேச
ஆரம்பிக்கின்றன
அந்தப் பாதங்கள்
என்னோடு !

நீர் குடிப்பதற்காக
அந்த வாட்டர் பாட்டிலின்
மூடியை
மென்மையாக
மிக மென்மையாக
அவள் திருகுகிறாள்,
தேவராகம்
கேட்டது போல
இன்பமாக அதிர்கிறது
என் பின்னங்கழுத்து !

பற்ற வைத்த
அணுகுண்டு
எப்போது வெடிக்குமென
பதைப்போடு
பார்ப்பது போலப்
பார்க்கிறேன்
உறக்கத்தில்
இமை மூடிய
அவள் விழிகளை !

அவளை விட
அழகான ஒருத்தி
அங்கே வந்து நின்றாலும்
அந்த அழக…