Skip to main content
கர்மா

 




அது ஒரு
நட்சத்திர நடிகனின்
படம் !
அதற்குத்தான்
போவேனென்று
நண்பன்
ஒரே அடம் !

அதுதான்
அப்படத்தின்
முதல் நாள்
ஓட்டம் !
அதனாலேயே
அங்கு நிலவியது
கட்டுக்கடங்காத
கூட்டம் !

எப்படியோ
வந்து விட்டோம் !
சீட்டு வாங்குவதற்குள்
நொந்து விட்டோம் !

ஒளிர்ந்தது
திரை !
ஆரம்பித்தது
விசில்களின்
உரை !

அங்கே
' தலைவன் '
படுத்துக்கொண்டே
போட்டான்
சண்டை !
கத்திக் கத்தியே
ஒவ்வொருவனுக்கும்
வறண்டது
தொண்டை !

நாங்கள்
அமர்ந்திருந்தது
அரங்கத்தின்
கடைசி வரிசையில் !

மூலையில் இருந்து
முதல்
மூன்று இருக்கைகளில்
அவர்கள் இருந்தார்கள் !

ஞாயிறுதோறும்
சந்தை செல்லும் - ஒரு
தந்தை !
வீட்டில்
சும்மாயிருக்கும்  - ஒரு
அம்மா !
அப்புறம் அவள்,
அவர்களின் மகள் !

அவர்கட்கு அடுத்து
நண்பனும் நானும் !

அவள்,
பக்குவமான
பருவத்தில்
இருந்தாள் !
இளமையைப்
பதற வைக்கும்
உருவத்தில்
இருந்தாள் !

கன்னியைக் கண்டதும்
நண்பனுக்கு
மூக்கு
விடைத்துக் கொண்டது !
காது,
அடைத்துக் கொண்டது !

அவன்,
அடிக்கடி
அவளைப் பார்த்து
மலைத்தான் !
கலைந்த தலையை
மறுபடி மறுபடி
கலைத்தான் !
சந்தர்ப்பம் உருவாக்க
வேண்டுமென்றே
வண்டி சாவியைத்
தொலைத்தான் !
குறும்புக் காரன் என்று
அக்குடும்பத்தின் மனதில்
நிலைத்தான் !

அதுமட்டுமா,

கன்னியைக்கவர
இவன் பங்குக்கு
கத்திக் கத்தியே
கலங்கடித்தான்
அரங்கை !
அவன்
சேஷ்டைகள் யாவும்
ஒத்திருந்தன
ஒரு குரங்கை !

பொறுக்க முடியாமல்
நான் கேட்டேன் !

" நண்பா !
இவ்வாறு செய்வது
பண்பா ? "

அவன் சொன்னான்,

" போடா
கையாலாகாத
கோழை !
வாலிபத் தோட்டத்தில்  - நீ
வீழ்ந்து விட்ட
வாழை !
வேண்டாமென்றால்
ஒத்திக் கொள் !
ஆனமட்டும்  வாயைப்
பொத்திக் கொள் ! "

அவ்வளவுதான்
அமைதியானேன் !

நண்பன்
மீண்டும் ஏறினான்
முருங்கை !
சிதைத்தான்
அக்குடும்பத்தின்
மன ஒருங்கை !

படம்
எப்போது
முடியுமென
அவர்கள்
வெறித்தார்கள் !
முடிந்ததும்
அவசரமாய்
வெளியே
தெறித்தார்கள்  !

நண்பன்
மீண்டும் எவளிடமாவது
ஆதியிலிருந்து ஆரம்பிக்க
வீதியை நோட்டமிட்டான் !

அலையென
வந்தவன்
சிலையென
நின்று விட்டான் !

அங்கே,

இருசக்கர வாகனத்தில்
ஒருவனின் முதுகை
ஒட்டிக் கொண்டிருந்தாள்
ஒரு மங்கை !
அது
அந்த நண்பனின்
திருமணமாகாத
தங்கை !!!

Comments

  1. முடிவில் நல்ல அதிர்ச்சி...

    ReplyDelete
    Replies
    1. தங்களின் முதல் வருகைக்கும், கவிதையை உள்வாங்கி வெளியிட்ட கருத்துக்கும் நன்றி திரு. தனபாலன் அவர்களே !

      Delete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…