Skip to main content
 தயவு செய்து
சண்டை போடுங்கள்



ஒரு சண்டை
தேவைப்படுகிறது !

மாதத்தில் ஓர் நாள்,
வாரத்தில் ஓர் நாள்
வாழ்வின் சலிப்பு நீக்க
ஒரு சண்டை தேவைப்படுகிறது !

மண்டை முழுக்கக்
குடைச்சல் இருந்தால்
அண்டை வீட்டானிடம்
சண்டை போடுங்கள்
சரியாகிவிடும் !

பாட்டு ஓடும் பேருந்தில்
சீட்டுக் கிழித்து
சலித்த நடத்துனன்
நோட்டு நீட்டினால் - ஒரு
காட்டுக் காட்டுவது
சண்டையை எதிர்பார்த்துத்தான் !
நாளெல்லாம்
நின்று வந்த கடுப்பை
எவன் வாயையாவது
தின்று தீர்க்கலாம்
என்று நினைக்கலாம் அவன் !

சமையல் பாத்திரத்தின்
' கழுவல் ' சரியில்லை எனில்
அன்றைய இரவில்
' தழுவல் ' சுகமாயிருக்கிறது
கணவனுக்கும் மனைவிக்கும் !
காரணம்,
பாத்திரத்தின் பொருட்டு
கழுவலுக்கும்
தழுவலுக்கும் நடுவில்
தம்பதியரிடையே
தம்படியளவேனும்
சண்டை நடந்திருக்கும் !

அம்மா அடிப்பாள்
என்று தெரிந்திருந்தும்
சும்மா சும்மா
புழுதியில் புரள்கிறான்
பள்ளிச் சிறுவன் !
ஏன் தெரியுமா ?
அடி வாங்கி அழுத பிறகு,
அம்மா ஊட்டும் சோறு
அவ்வளவு ருசியாயிருக்கிறது
அவனுக்கு !

காதலில்
சலிப்பு எனும்
பழுது போக்க
பொழுது போக்காகவாவது
பொய்ச் சண்டை
போடுகின்றனர்
பரந்த உலகின்
சிறந்த காதலர்கள் !

எதற்கோ
எவனுடனோ
தெருவில்
சண்டை போடும்போது
எங்கிருந்தோ வந்து
ஏனென்றும் கேளாமல்
எதிர்த்தவனை
எகிறி முறைக்கும்போது தான்
தம்பியின் பாசம்
புரிகிறது நமக்கு !

சண்டை
சீக்கிரத்தில் முடிந்து போவது !

சடுதியில்
சமாதானத்தின்
விடுதி நோக்கி ஓடுவது !

மடை திறந்த
வெள்ளம் போல
உள்ளம் திறந்து
போடும் சண்டை
பகையின் வேர்களைப்
பட்டுப் போகச் செய்கிறது !

நெஞ்சகத்தில் இருக்கும்
வஞ்சகத்தின்
நஞ்சகத்தை
நிமிடங்களில்
நிர்மூலமாக்குகிறது !

தன்னுயிர்க்
காதலியை விடவும்
சண்டை போட்ட
சகாவிடம்
பேசத்துடிக்கிறான்
இன்னொரு சகா !

வாழ்வே  வெறுத்து
விரக்தியாய் இருக்கிறதா ?

தலைக்கு மேலே
தற்கொலை எண்ணம்
தொங்கிக் கொண்டிருக்கிறதா ?

தயவு செய்து
சண்டை போடுங்கள் !!!


Comments

  1. இவ்வளவு நல்லா எழுதுவீங்க நீங்கன்னு என்கிட்ட ஏன சொல்லவே இல்ல? என் கருத்துக்களை பாராட்டறவரு அழகான கவிதை எழுதவறரு்ன்னு சொன்னா சந்தோஷப்பட்டிருப்பேன் இல்ல..? (என்ன கோபம்னு பாக்கறீங்களா? சண்டை போடறேன் உங்களோட...) ‌உங்க கருத்து ரொம்பவே ரசிக்க வெச்சது நிரூவை. Thanks!

    ReplyDelete
  2. வருகை புரிந்த தங்களுக்கு நன்றிகள் பல. தாங்களும் எழுதுங்கள் ! நான் இப்போது தான் ஆரம்பக் கட்ட எழுத்தாளனாக இருந்து வருகிறேன். குடிசை போல இருக்கும் எனது வலைப்பூவிற்கு வந்த தங்களுக்கு பெரிய மனது தான் நிரூ !

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …