Skip to main content
அப்பா




தாய்ப்பால் உண்ட உற்சாகத்தில்


தொட்டிலுக்குள்ளே நான்


துள்ளிக்கொண்டிருக்கும் போது


ஆசையோடு எட்டிப்பார்க்கும்


மீசை மனிதராய் எனக்கு


அறிமுகமானவர் நீங்கள் !




வளரும் பிராயத்தில்


நான் உங்களைப்போலவே


நடப்பதாகவும்


உங்களைப்போலவே


பேசுவதாகவும்


ஊர் உலகம் சொல்லும்போதெல்லாம்


பெருமையோடு நீங்கள்


புன்னகை சிந்துவதைப்


பலமுறை பார்த்திருக்கிறேன் !




அம்மா எனக்கு


நிலவை ரசிக்கக்


கற்றுத்தந்தாள் !


நீங்கள் எனக்கு


சூரியனை வணங்கக்


கற்றுத்தந்தீர்கள் !




மிதிவண்டியின் பின்புறம்


என்னை அமர்த்திக்கொண்டு


ஒரு அரசனைப் போல நீங்கள்


நகர்வலம் செல்லும்போது ,


வழிநெடுக எனக்கு


வாழ்க்கைப் பாடம் போதிப்பீர்கள் !




ஒரு நாள் காலையில்


ஆறு பார்க்கப் போவேனென்று


அழுது நான் அடம் பிடிக்க


அழைத்துப் போனீர்கள் !


அங்கே ,


ஆற்று வெள்ளத்தின்


போக்கு புரியாமல்


எதோ ஒரு பள்ளத்தில்


காலை விட்டு ,


நீருக்குள் மூழ்கி


மூச்சடைத்தேன் நான் !


ஆனாலும் நீங்கள்


உடனிருக்கும் தைரியத்தில்


எதிரே வந்த எமனை


எட்டி உதைத்து விட்டு


முட்டி முளைத்தெழுந்தேன் !


சாவின் மீது எனக்கிருந்த பயம்


அன்றோடு செத்துப் போனது !




வாலிபனானதும் நான்


வழிமாறிப்போய்விடக்கூடாதென்று ,


வசைகளாலேயே எனக்கு


திசைகளைக் காட்டியவர் நீங்கள் !




ஆனாலும் ,


" என் மகன் இந்தப்படிப்பு


படித்திருக்கிறான் !


என் மகன் இந்த வேலையில்


இருக்கிறான் !


என் மகன் இந்த சம்பளம்


வாங்குகிறான் ! " என்று


என்னைப் பற்றி ,


பிறரிடம் பெருமையாய்ச்


சொல்லிக் கொள்வதில் தான்


உங்கள் பெருமையே இருக்கிறது !




உள்ளுக்குள்ளே உங்களை


ஆயிரம் விமர்சித்தாலும்


எங்கேயாவது எவனாவது


உங்களைப் பற்றி


பொல்லாங்கு சொன்னால் ,


அவன் முகரையைப் பெயர்க்கும்


முன்கோபத்தில் எனது


மூக்கின் நுனி சிவக்கிறதே !


நம் ரத்த பாசத்தின்


ரசாயனமென்பது இதுதானோ ?




இப்போது கூட


தொலைக்காட்சியில் தனியே


சூரிய வம்சம் படம் பார்க்கையில்


கண்களில் கண்ணீர் வழிவதை


கட்டுப்படுத்த முடியாது என்னால் !






பணி நிமித்தம் உங்களைப்


பிரிந்து வந்த பிறகு


மதுவருந்தும் ஒவ்வொரு


ஞாயிற்றுக் கிழமையிலும்


நான் நினைத்துக் கொள்வேன் ,


நீங்கள் மட்டும்


அருகே இருந்திருந்தால்


அடித்தாவது என்னைத்


திருத்தியிருப்பீர்கள் என்று !




என்னைத் திட்டவோ


அடிக்கவோ செய்ய


உங்களை விட்டால்


உலகத்தில் எவனுக்கு


உரிமை இருக்கிறது ?




இப்போது கூட


நான் தெருவில் நடக்கையில்


என்னைப் புன்னகையோடு விசாரிக்கவும்


நான்கு பேர் இருக்கிறார்கள்


என்று அறியும் போது உணர்கிறேன் ,


உங்களது அத்தனை திட்டுக்களும்


என்னை சிதைத்து விடவில்லை ,


மாறாக செதுக்கியிருக்கின்றன என்று !!!






Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…