Skip to main content
பரிசு




ஏதோ ஒரு மழைநாளில்


நிழற்குடையை


மழைக்குடையாக்கி ,


நாம் அருகருகே


நின்றிருக்கும் போது


அதிர வைக்கும் இடியோசை கேட்டு


அர்ச்சுனா அர்ச்சுனா வென்று


இருவரும் ஒருசேரச் சொன்னோமே !


நினைவிருக்கிறதா ?




பூங்காவில் ஒருநாள் ,


புணர்ந்து கொண்டிருந்த


இரண்டு சிட்டுக் குருவிகளுக்குத்


தொந்தரவாய் இருக்குமென்று


வேறிடம் போய் அமர்ந்தோமே


நினைவிருக்கிறதா ?




ஏதோ ஒரு திரைப்படத்தில்


நெகிழ்ச்சியான காதல் காட்சி கண்டு


கலங்கிய நம் கண்களைக்


கைக்குட்டையால்


துடைத்துக் கொண்டோமே !


நினைவிருக்கிறதா ?




உனது பிறந்த நாளின் போது


உதட்டு முத்தம் பகிர்ந்து விட்டு


ஒரு வாரம் முழுக்க இருவரும்


காய்ச்சலில் கிடந்தோமே


நினைவிருக்கிறதா ?




தேர்வில் தோற்றேனென்று


நாள் முழுக்க


நூலகத்தில் பழி கிடந்து


நல்ல புத்தகமொன்றத்


தேடிஎடுத்து நீ தந்த போது


அப்புத்தகத்தின் தடிமன் கண்டு


தலையணை என்று தான்


வருணனை செய்ததற்கு


திட்டிக் கொண்டே


தலையில் குட்டினாயே !


நினைவிருக்கிறதா ?




கடற்கரையில் ஒருநாள்


ஒரு பொட்டலம் சுண்டல் வாங்கி


நீ உண்பாயென நானும்


நான் உண்பேன் என நீயும்


வெறுமனே பேசிக்கொண்டே இருந்து


சுண்டல் சீண்டப்படாமலேயே இருப்பதைப்


புறப்படும் போது உணர்ந்து கொண்டு ,


எனக்கு நீயும் உனக்கு நானும்


மாறி மாறி ஊட்டிக்கொண்டோமே !


நினைவிருக்கிறதா ?




ஏதோ ஒரு ஊடலில்


நாள் முழுக்கப் பேசாதிருந்து


பின்பு மனது பொறுக்காமல்


குறுஞ்செய்தியாலே


இரவு முழுவதும்


குசலம் விசாரித்தோமே !


நினைவிருக்கிறதா ?




இருசக்கர வாகனத்தில்


இருவரும் போனபோது ,


வேகத்தடை வரும்போதெல்லாம்


உந்துதடையை நான் போட ,


புத்தகப் பையை நடுவில் வைத்து


என் தோள் மீது தலைசாய்த்து


வழிநெடுக வந்தாயே


நினைவிருக்கிறதா ?




ஒருநாள் என்னைத்


தனியே அழைத்து ,


தந்தை சம்மதித்து விட்டாரென்று


தேம்பி அழுத உன்னைத்


தேற்ற முயன்று தோற்றுப்போய்


நானும் அழ ,


ஆனந்தக் கண்ணீரில் இருவரும்


அமிழ்ந்து போனோமே !


நினைவிருக்கிறதா ?




என்னையே நினைத்து ,


என்னையே காதலித்து ,


என்னையே மணந்த


உத்தமக் காதலியே !


தொடங்கி விட்ட நமது


திருமண உறவில்


உனக்கொரு


உயர்ந்த பரிசெனத் தர


இந்த நினைவுகளைத் தவிர


வேறொன்றுமில்லை என்னிடம் !!!












Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…