Skip to main content
அம்மா .............






அறியாத வயதில்


அம்மா அம்மாவென்று


நாய்குட்டி போல


உன் காலடியைச்


சுற்றிச் சுற்றி வருவேனாம் .


பக்கத்து வீட்டுக் கிழவி


அடிக்கடி சொல்லிச் சிரிக்கும் !


அம்மா ,


அப்போது மட்டுமல்ல , எப்போதும்


உன் காலைச் சுற்றி வரும்


நாயாகவே நானிருக்க விழைகிறேன் !




முதல் வகுப்பு முடியும் வரை


பள்ளி செல்லமாட்டேனென்று


புழுதியில் புரண்டழுவேன் !


அந்தப் புழுதிகளை எல்லாம்


உன் கண்ணீரால் கழுவி விட்டு


என்னை அனுப்பி வைப்பாய் !


மாலையில் ,


பள்ளிவாசலிலேயே


காத்திருக்கும் உன்னை


அம்மாவென்று கத்தியபடி


ஓடிவந்து கட்டிக் கொள்வேன்


பாசத்தில் உன் நெஞ்சோடு


என்னை ஒட்டிக் கொள்வாய் !




திங்கட்கிழமை சந்தையில்


தின்பண்டம் வாங்கி வந்து


அன்போடு நீ கொடுக்கும் போதெல்லாம் ,


தினமும் திங்கட்கிழமையாகவே


இருக்கக் கூடாதா என்று


தவித்துத் திரிந்தவன் நான் !




வளரும் பிராயத்தில்


தவறு செய்தேனென்று


தந்தை என்னை


அடிக்கும் அத்துணை அடிகளும்


எனக்கு விழுந்ததை விட


உன் முதுகில் தான்


அதிகம் விழுந்திருக்கின்றன !




ஒருமுறை ,


முரட்டுத் தனமாய்


மிதிவண்டி ஓட்டியதில் ,


கம்பியொன்று ஆழமாய்க்


காலைக் கிழித்தது !


அதை உன்னிடம் மறைத்து


மருந்திட்டு வந்தேன் !


புண் புரையோடிப் போனது


ஒரு நாள் எப்படியோ


அதனைக் கண்டுபிடித்து


தலையில் அடித்துக் கொண்டு


நீ அழுதாய் !


எந்த மருந்திட்டும்


ஆறாத அந்த ரணம்


உன் கண்ணீர் பட்டு ஆறிப்போனது !




அம்மா ,


என் நலம் பேணியே


நாற்பது வயதில்


நரைத்துப் போனவள் நீ !


நீ மட்டும் இல்லையென்றால்


ஏதாவது ஒரு நோயில்


எப்போதோ இறந்திருப்பேன் !


எனக்காக


ஒருமுறை மட்டுமல்ல


ஒவ்வொரு முறையும்


உயிர் கொடுத்துக் கொண்டிருப்பவள் நீ !




பணி நிமித்தம்


நான் உன்னைப்


பிரிந்து செல்ல நேர்ந்தது !


போகும் வரை பொறுமையாய் இருந்து ,


போன பின்பு


புலம்பி அழுதாய் என


தங்கை ஒருநாள்


தனியே சொன்னாள் !




நாளும் கிழமையுமாய்


நல்லது பொல்லது செய்து ,


சுற்றத்தோடு கூடியிருக்கையிலும்


அங்கே தொலைவில்


தனித்திருக்கும் நான்


என்ன உண்டேனோ ?


எவ்வாறு உறங்கினேனோ ?


என்று நினைத்து நினைத்து


கண்ணீர் உகுக்க


அம்மா


உன்னை விட்டால் எனக்கு


உலகத்தில் நாதியில்லை !




ஒவ்வொரு முறையும்


நான் ஊருக்கு வரும்போது


பாசம் பிழிந்து


முறுக்கு செய்து கொடுப்பாய் !


அன்பை உருட்டி


லட்டு செய்து கொடுப்பாய் !


போகும் பொது


உயிரை உருக்கி


கண்ணீர் உகுப்பாய் !


இதற்கெல்லாம் கைம்மாறு செய்ய - எனக்கு


இந்த ஜென்மம் போதாதம்மா !




அடுத்த ஜென்மம்


என்று ஒன்றிருந்தால் ,


நான் பெண்ணாகப் பிறக்க வேண்டும் !


பத்து மாதம் சுமந்து


உன்னைப் பெற்றெடுக்க வேண்டும் !


இதற்காகவே அம்மா ,


நான் உனக்கு முந்தி சாக வேண்டும் !


நான் உனக்கு முந்தி சாக வேண்டும் !






Comments

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …