Skip to main content
நாயும் நானும்


அதுவொரு
மதிய வேளை !
உருவாகிக்கொண்டிருந்த
புதிய வேளை !

யாருமில்லை
தெருவில் !
நான்
நடந்து கொண்டிருந்தேன்
வியர்வையில் குளித்த
உருவில் !

சூழலில்
நெருப்பு !
தவித்தது
செருப்பு !
நீரூற்றி
வெளியில் வைத்தால்
வெந்துவிடும்
பருப்பு !

இப்போதைக்கு
யாருமில்லை
அறையில் !
கொஞ்சநேரம்
விடுதலை
எனக்கந்த
சிறையில் !

நாடலாம்
தனிமையை !
பாடலாம்
இனிமையை !

என்ன
இனிமை
என்கிறீர்களா ?

ஆபாசப்படம்
மற்றும்
சுயமைதுனம் !

பின்னே
பாழும் பிரம்மச்சாரியான
நான்
தனிமை கிடைத்தால்
பகவத் கீதையா
படிக்க முடியும் !

இதைச்சொல்வதில்
எனக்குத்
தயக்கமில்லை !
போலிப்புனிதங்களில்
எனக்கு
மயக்கமில்லை !

மேலும்
இம்மாதிரி
எழுதி வைத்தால்தான்
இக்கவிதையை
நவீனத்தில்
சேர்ப்பார்கள் !

இல்லையெனில்,

மரபு
என்று கூறி
பரணில் போடுவார்கள் !

எதில் விட்டேன் ?

ஆங் ,,,,,,,,,,

தனிமையைக்
கொண்டாடலாம் !
இன்பத்தில்
திண்டாடலாம் !
இன்ன பிற ,,,,
இன்ன பிற ,,,,,,,,,,

அப்போதுதான்
அதைப்பார்த்தேன் !

அதுவொரு
நாய் !
பயமுறுத்தியது
அதன்
வாய் !

அது,
பல்லைக்காட்டிக்
குரைத்தது !
அதன் பாஷையில்
கோபமாய் எதையோ
உரைத்தது !

ஐயகோ !

இதென்ன
வம்பு ?
தேவையில்லாத
துன்பத்தின்
அம்பு !
கையிலில்லை
கம்பு !
ஓடுவதற்குக்
காலிலில்லை
தெம்பு !
பெருகியோடிய
வியர்வையிருக்கும்
ஒரு
சொம்பு !

நானோ
போய்க்கொண்டிருக்கிறேன்
சிவனே என்று !
இது ஏன்
விளித்துத் தொலைக்கிறது
இவனே என்று !

நான்
' ம்கும் ' என்றேன் !
பாக்கெட்டில்
கைவிட்டேன் !
கண்ணாடியை
சரி செய்தேன் !

அச்சமயத்தில்
என்னிடம் தோன்றிய
எதிர்வினைகள்
இவை !

என் மனநிலையை
சந்தேகிக்கிறீர்கள்
தெரிகிறது !

நாய் கடித்தால்
முதலுதவியாக
என்ன செய்யலாம் ?

இதுமாதிரி
நாய்க்கடிகளிடமிருந்து
தப்புவதெப்படி ?

நாய்க்கடித்
தடுப்பு உறைகள்
எங்கே கிடைக்கும் ?

நாய்கள் காப்பகத்தில்
என்ன
ஆணி புடுங்குகிறார்களா ?

ஆலையில்
ஒருவாரம்
விடுப்பு தருவார்களா ?

நாய் கடித்தது என்றால்
நண்பர்கள்
சிரிப்பார்களோ ?

முன்பெல்லாம்
பதினாறு ஊசியில்
ரணமாகிவிடும் !
இப்போதோ
ஒரே ஊசியில்
குணமாகிவிடும் !

என்ன !

நாயைத்தான்
காக்க வேண்டும் !
கண்ணில்
எண்ணெய் ஊற்றி
அதன் செய்கைகளை
நோக்க வேண்டும் !

இவ்வாறாக நான்
எண்ணிக்கொண்டிருக்கையில் .......

என்னெதிரே
வந்த
அந்த நாய்,
உறுமியபடியே
என்னைக்கடந்து
என் பின்னே
வந்துகொண்டிருந்த
இன்னொரு நாயை
நோக்கிச் சென்றது !


Comments

  1. வணக்கம்

    கவிதையின் வரிகள் அருமையாக உள்ளது வாழ்த்துக்கள்

    -நன்றி-
    அன்புடன்-
    -ரூபன்-

    ReplyDelete
  2. கவிதையின் வரிகளை இரசித்த தங்களுக்கு மிக்க நன்றி திரு ரூபன் அவர்களே

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …