Wednesday, May 2, 2012

அவளை எனக்குப் பிடிக்கிறது !


அவளை
எனக்குப் பிடிக்கிறது !
அவள் 
எது செய்தாலும் பிடிக்கிறது !

குறுஞ்செய்தியில்
குலவும் போது
அவள்
ஒற்றை எழுத்தும்
 பிடிக்கிறது !

பேசும் போது
காற்று கலைக்கும்
 அவள்
கற்றைக் கூந்தல்
பிடிக்கிறது !

வெட்கத்தில்
 சிவக்கும்
கன்னம் பிடிக்கிறது !

கோபத்தில்
சிவக்கும்
மூக்கு பிடிக்கிறது !

பின்னலிடும்
 பார்வை பிடிக்கிறது !

 பின்னங்கழுத்து
வேர்வை  பிடிக்கிறது !

அவளை
 சும்மாவேனும் பிடிக்கிறது !
 சும்மா சும்மா பிடிக்கிறது !

காற்றில் பறக்கும்
அவள் துப்பட்டா
பிடிக்கிறது !

 என் பார்வையுணர்ந்து
அவள் அப்பட்டா
 என்றாலும்
அது கூடப் பிடிக்கிறது !

அவ்வப்போது
அவள் அழுவது பிடிக்கிறது !

தாமதமாகி
 வெடுக்கென்று
அவள் எழுவது பிடிக்கிறது !

 அவள் பேசினாலும் பிடிக்கிறது !
 கோபத்தில் ஏசினாலும் பிடிக்கிறது !

அவள்,
கன்னத்தின் குழி பிடிக்கிறது !
கீழுதட்டின் சுழி பிடிக்கிறது !

அவள்
முத்தம் மறுப்பது பிடிகிறது !
 சத்தம் வெறுப்பது பிடிக்கறது !

அவளிடம்
 ஏதேதோ பிடிக்கிறது !
எல்லாமே பிடிக்கறது !

அவள்
தும்மல் பிடிக்கிறது !
 காதில் ஆடும்
கம்மல் பிடிக்கிறது !

அவள் படிக்கும் புத்தகம் பிடிக்கிறது !
புத்தகமாக அவளையே படிக்கப் பிடிக்கிறது !

அவளை எனக்குப் பிடிக்கிறது !
அவள் எது செய்தாலும் பிடிக்கிறது !

1 comment:

  1. அவள் உங்களைப் "பிடித்துப்" போனதால்
    நிச்சயம் எல்லாம் பிடிக்கத்தானே செய்யும்
    மனம் கவர்ந்த அருமையான படைப்பு
    தொடர வாழ்த்துக்கள்

    ReplyDelete