Friday, August 5, 2011

எதிரே வரும் அவள்

தொலைவில் வரும்போதே
தலையுயர்த்திப் பார்த்து ,

கடல் அலைபோல் மனதை
அலைக்கழித்து ,

எண்ணத்தை சிதற வைத்து
இதயத்தைப் பதற வைத்து ,

இரத்த ஓட்டம் உறையச்செய்து
நாடித்துடிப்பு குறையச்செய்து ,

அருகே வந்ததும்
பார்வையை உரச விட்டு ,

இளமைக்கு மழை பெய்து
புன்னகைத்து உயிர் கொய்து , - என

இவ்வளவும் நடத்தி விட்டு
எதுவுமே நடக்காதது போல
எப்படித்தான் கடந்து போக முடிகிறதோ
தொடர்ந்து மூன்றாவது நாளாக
எனக்கு எதிரே வரும் அவளால் ???



No comments:

Post a Comment