Saturday, June 28, 2014

    மழை வீடு



வெளியே
மழை பெய்துகொண்டிருந்தது !

அறையில்
இரவுப்பணியின்
உறக்கத்திலிருந்த நான்
திடுக்கிட்டு விழித்து
கதவைத் திறந்து
மழை பார்த்தேன் !

முன்பெல்லாம்
மழை பெய்தால்
வீட்டில்
பஜ்ஜி சுடுவாள்
அம்மா !

தொண்டையைச்
செருமிக்கொண்டு
கதை சொல்லத்தொடங்குவார்
அப்பா !

பஜ்ஜி வாசமும்
கதை வாசமும்
சேர்ந்து இனிதே
வீட்டை நிறைக்கும் !

இந்த நினைவுகளை
மனதில் சுமந்தபடி
நான்
பெய்த மழையை
வெறித்துக் கொண்டிருந்தேன் !

பஜ்ஜியையும்
கதைகளையும்
நினைவுகளில் சுமந்தபடி
ஊரில்
அம்மாவும் அப்பாவும்கூட
இதேபோல்
மழையை வெறித்துக்கொண்டிருக்கலாம் !
 

4 comments:

  1. வணக்கம்

    அழகிய கவிதை மிகஅருமையாக உள்ளது பகிர்வுக்கு வாழத்துக்கள்

    -நன்றி-
    -அன்புடன்-
    -ரூபன்-

    ReplyDelete
  2. வருகைக்கும் கருத்துக்கும் நன்றி நண்பரே

    ReplyDelete
  3. அருமை! மழைநினைவுகளை கிளறிவிட்டீர்கள்!

    ReplyDelete
  4. மழைப்பேச்சு கேட்க வருகை புரிந்த தங்களுக்கு நன்றிகள் நண்பரே

    ReplyDelete