Skip to main content
 சிறைவாசி





அவன்
சிறையில் இருந்து
வெளிப்பாட்டான் !

அவனுக்கு
அன்று
விடுதலை !

குற்றம் ?

நிதி
அவனை
மோசடி செய்தது !

எனவே

நிதியை
அவன்
மோசடி செய்தான் !

பலநாள் திருடன்
ஒருநாள்
அகப்படுவான் !

இவன் ,

சிலநாள் திருடன்
சீக்கிரம்
அகப்பட்டான் !

வாதாட
இவனிடம்
நிதியில்ல்லை !
எனவே
நீதி வென்றது !

சிறை,
இவனுக்கு ஆனது
அறை !

ஆறுவருடம்
சிறையில்
வனவாசம் !
இப்போது
தண்டனை முடிந்து
மீண்டும் இவனுக்கு
ஜனவாசம் !

வெளியே
வெயிலடித்தது !

அடுக்கிவிட்டது போல்
கட்டிடங்கள் !
முடுக்கிவிட்டது போல் 
வாகனங்கள் !

இவன்
வீடுசென்ற போது

சகோதரன்
செருப்ப்பைக் காட்டினான் !

தகப்பன்
தவறிவிட்டான் !

தாய்
முதியோர் இல்லத்தில் !

உறவுகள்
ஒன்றுகூடிக்
காறித்துப்பின !

அக்கம்பக்கத்தார்
அகதியைப் போலப்
பார்த்தனர் !

வேலைதேடிச்
சென்றவிடத்தில்
விரட்டியடிக்கப்பட்டான் !

அடுத்தவேளைச் சோறு
கேள்விக்குறியானது !

பிச்சையெடுப்பது குறித்து
மனதுக்குள்
பரிசீலித்தான் !

அதற்கு
சிறை செல்வதே
கௌரவம் என்று
தோன்றியது !

செய்ய
வேலை !

உண்ண
உணவு !

உடுக்க
உடை !

உறங்க
உறைவிடம் !

என்ன
தனிமை தான்
வாட்டும் !

இப்போதுமட்டும் என்ன
வாழுகிறதாம் !

இப்படியாக
இரண்டு நிமிடங்கள்
யோசித்தவன்

பக்கத்திலிருந்தவன்
பணப்பையைப்
பிடுங்கிக் கொண்டு 
வேகமாக
ஓடத் தொடங்கினான் !

அவன் நோக்கம்
திருடுவது அல்ல !
சிறை செல்வது !!!





Comments

  1. நல்லவனையும் சமூகம் மாற்றிவிடுவது கொடுமை! சிறப்பான கவிதை! நன்றி!

    ReplyDelete
  2. கருத்துக்கு மிக்க நன்றி நண்பா

    ReplyDelete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
ரயில் சினேகிதி 




சட்டென்று
எனக்குள்
சகலமும்
வெளிச்சமாகி
விடுகின்றன,
எதற்கோ புன்னகைத்தபடி
எதிரே வந்தமர்ந்த
அவளைப் பார்த்ததும் !

கோழிக்குஞ்சை
உள்ளங்கையில்
பொத்திக் கொண்டால்
எப்படியிருக்குமோ
அப்படியிருக்கிறது
என் காதுகளுக்கு
யாருடனோ பேசியபடி
அவள் சிரிப்பது !

வேடிக்கை பார்த்தபடி
பூ விரல்களால்
அவள் கழுத்தை
அவளே
வருடிக் கொள்கிறாள் !
இங்கே எனக்கு
சொக்குகிறது !

எப்படியும்
நிமிர்ந்து என்னைப்
பார்த்து விடுவாள்
என்ற நம்பிக்கையில் தான்
எழுந்து போய்
காசு போடுகிறேன்
அந்த
குருட்டுப் பிச்சைக்காரனுக்கு !

இளஞ்சிவப்பு
நெயில் பாசிஷ்
தடவிய
அவள் பாதங்களைப்
பார்த்துக் கொண்டிருக்கறேன்,
சட்டென்று
கதை பேச
ஆரம்பிக்கின்றன
அந்தப் பாதங்கள்
என்னோடு !

நீர் குடிப்பதற்காக
அந்த வாட்டர் பாட்டிலின்
மூடியை
மென்மையாக
மிக மென்மையாக
அவள் திருகுகிறாள்,
தேவராகம்
கேட்டது போல
இன்பமாக அதிர்கிறது
என் பின்னங்கழுத்து !

பற்ற வைத்த
அணுகுண்டு
எப்போது வெடிக்குமென
பதைப்போடு
பார்ப்பது போலப்
பார்க்கிறேன்
உறக்கத்தில்
இமை மூடிய
அவள் விழிகளை !

அவளை விட
அழகான ஒருத்தி
அங்கே வந்து நின்றாலும்
அந்த அழக…