Skip to main content
பிரம்மச்சாரி 4





வாழ்க்கையில்
ஒரு பெண்ணிடமும்
பேசியதில்லை !
பிச்சைக்காரியைக் கூட
கோபப்பட்டு
ஏசியதில்லை !
எந்தப் பெண்ணுக்கும்
மோகனப் புன்னகை
வீசியதில்லை !
நாணிக் கோணி
எவளும் எங்கள்முன்
கூசியதில்லை !

கடைக் கண்ணால் கூட
கன்னிகள்
எங்களைப்
பார்ப்பதில்லை !
காலைப் பிடித்துக்
கெஞ்சினாலும்
காதலை யாரும்
ஏற்பதில்லை !

அனுதினமும்
எதிர்பார்க்கிறோம் 
 வீட்டிலிருந்து ஓர்
நறுஞ்செய்தியை !
அனாமதேய
எண்ணுக்கெல்லாம்
அனுப்பிப் பார்க்கிறோம்
அர்த்த ராத்திரியில்
குறுஞ்செய்தியை !

ஆனாலும்
போராட்டம்
முடியவில்லை !
ஒரு பொழுது
எங்களுக்கு
விடியவில்லை !

அந்தஸ்து எனும்
சிவதனுஷை
எங்களில் யாரும்
உடைக்கவில்லை !
எங்களுக்கென்று
ஒருத்திகளை
பிரம்மன் இன்னும் 
படைக்கவில்லை !

எதிர்படும்
பெண்ணிடமெல்லாம்
பிசியாகவே இருக்கிறது
அலைபேசி !
திருமணச்சந்தையில்
எகிறிவிட்டது
மணமகள்களின்
விலைவாசி !

பட்டம் விடக்கூட
உதவுவதில்லை
படித்து வாங்கிய
பட்டம் !
பட்டம்
படித்தவனுக்கு
பெண் கிடைக்காதென்பது
இங்கு
எழுதப்படாத
சட்டம் !
பாதகமாகத்தான்
இருக்கிறது
ஜாதகத்தின்
கட்டம் !
பார்த்துப் பார்த்து
போரடித்து விட்டது
வீட்டிலிருக்கும்
விட்டம் !

அந்தஸ்து
பார்த்துத் தான்
காதலின்
மடை திறக்கிறது !
காசிருப்பவனுக்குத் தான்
காமனின்
கடை திறக்கிறது !

நாட்டமில்லை
எங்களுக்கு
பொன் பொருளில் !
ஆனாலும்
மேதைகளில்லை
நாங்கள்
மென் பொருளில் !

திருமணப் போட்டியில்
எவன் இட்டானோ
அந்தஸ்து எனும்
வரம்பை !
எங்கு போய்
அறுத்துக் கொள்ளலாம்
ஆண்மைத்தனத்தின்
நரம்பை !

ஊதியம்
நாற்பதாயிரத்தில்
பொறியாளனாக
பன்னாட்டு நிறுவனத்தில்
பணிபுரிவதுதான்
பத்தாம் வகுப்புப்
படித்தவளை
மணப்பதற்கான
குறைந்த பட்சத் தகுதியே !

ஆயிரம் பேரைப்
பார்த்து
நூறு பேரைத்
தேர்ந்தெடுத்து
பத்து பேரையாவது
காதலிக்கிறாள்
பெண் !
ஒரு பெண்ணைக்
காதலிக்க
ஆயிரத்தோடு ஒருவனாக
வரிசையில்
காத்திருக்கிறான்
ஆண் !

ஒரு ஜோதிகாவுக்கு
இங்கு
ஓராயிரம் சூர்யாக்கள்
அடித்துக் கொள்ள,
' கஞ்சா கருப்பு ' களான
எங்களுக்கு
கோவை சரளா கூட
கேள்விக் குறிதான் !

வெறும்
அறுபது நாள்
ஆசைதான் !
முப்பது நாள்
மோகம் தான் !
அதற்கா
இந்தக் கூப்பாடு ?
காசு கொடுத்தால்
கடையில் கூட
கிடைத்து விடுமே
சாப்பாடு !

ஆனால்,

உண்ட நிறைவில்
வயிறு குளிர்வதற்கும்,
உணவு செரிக்காமல்
வயிறு எரிவதற்கும்
வித்தியாசம் இருக்கிறது !!!








Comments

  1. This comment has been removed by the author.

    ReplyDelete
  2. இப்ப என்ன சொல்றீங்க ஜாதகத்தை அனுப்புங்க.. அதில் நம்பிக்கையிருந்தால்.. இல்லை பயோடேட்டா அனுப்புங்க நாங்களாவது பொண்ணு பார்த்து கொடுத்துடறோம். எங்கள் நண்பர் புலம்பல் தாங்க முடியலை...

    ReplyDelete
    Replies
    1. இந்தக் கவிதையை பாசிடிவாக அணுகியதற்கு நன்றி தோழி ! நீங்கள் சொன்னதை சீரியசாக எடுத்துக் கொண்டு உங்கள் மின்னஞ்சலுக்கு எனது சுய விவரக் குறிப்புகளை அனுப்பியே விட்டேன். எப்படியெல்லாம் பெண் தேட வேண்டியிருக்கிறது பாருங்கள் !

      Delete
  3. பின்றீங்களே.... ரொம்ப நொந்துட்டீங்க போல...

    @ ezhil
    உங்களை வழி மொழிகிறேன் சகோ

    ReplyDelete
    Replies
    1. தோழி,
      நீங்கள் இந்தக் கவிதையைப் படித்துப் பின்னூட்டமிட்டது நான் செய்த பாக்கியம். மிக்க நன்றி

      Delete

Post a Comment

Popular posts from this blog

திருமணம் 2013 






' சொல்லியனுப்புகிறோம் '
என்ற சொல்லை
காலம் என்ற
விலை கொடுத்து
பெண் வீட்டார்
வாங்கி விட்டனர் !
--------------------------------------------

இன்ஜினியர் பெண்ணும்
இன்ஜினியர் ஆணும்
தம்பதியாவது
காலத்தின் கட்டாயம் !
டாக்டருக்கும் இது
டிட்டோ !
--------------------------------------------

திருமணம்
கல்லூரியில்
நிச்சயிக்கப்படுகிறது !
--------------------------------------------

மாப்பிள்ளையின்
சம்பளமும்
மறைமுக
வரதட்சணைதான் !
கொண்டுவாருங்கள்
இதற்கொரு
இ. பி. கோ !
--------------------------------------------

குவித்துத்தான்
வைக்கிறார்கள்
ஆண் ஜாதகத்தை !
பொறுக்கித்தான்
எடுக்கிறார்கள்
பெண் ஜாதகத்தை !
--------------------------------------------

ஒவொரு வினைக்கும்
எதிர்வினை உண்டு !
ஆணினமே
அனுபவி !
--------------------------------------------

காலஸ்த்ரி,
திருநாகேஸ்வரம்,
திருவிடந்தை,
திருமணஞ்சேரி .......................
அடுத்து என்ன
ஜோசியரே ?
--------------------------------------------

தந்தை மகற்காற்றும் உதவி திருமணத்திற்கு
சாதி பார்க்காச் செயல் !
------------------…
பிரிந்த காதலி





அவளை
அந்தப் பேருந்தில்
பார்ப்பேனென்று
நான் நினைக்கவில்லை !

அவள்
அப்படியே தானிருந்தாள் !

காதோரத்தில்
அதே
சுருண்ட முடி !

தலைகுளித்த
அதே
ஒற்றைப் பின்னல் !

சூடப்பட்ட
அதே
ஒற்றை ரோஜா !

அந்த
பச்சை நிற
சுடிதாரை
எனக்குப்
பரிச்சையமிருக்கிறது !

மெட்டியில்லா
அவள்
பாதங்களைக் கண்டு
நான் ஏன்
ஆறுதல் அடைகிறேன் ?

மனதுக்குள்
மீண்டும்
மழை பெய்ய
ஆரம்பித்தது !

வருஷங்கள்
கடந்தும்
என்னைச் சுற்றி
மீண்டும் ஒரு
வசந்தம் குட்டியாய் !

அவள்
இன்னும் என்னைப்
பார்க்கவில்லை !

திறந்திருந்த
ஜன்னலில்
வெளியை
வெறித்துக் கொண்டிருந்தாள் !

இப்போதெல்லாம்
அவள்
இசை கேட்பதில்லை
போலும் !

இறுதியாக
நிகழ்ந்த
அந்த கடைசிச்சந்திப்பு
ஆயுளுக்கும்
மறக்காது !

என்னருகே
ஒட்டிநின்ற
அந்த பருவப்பெண்ணை
உரசாமல்
எவ்வளவு முடியுமோ
அவ்வளவு
விலகி நின்றேன் !

ஏதோ
எங்கள்
பழைய காதலுக்கு
நான் செலுத்தும்
என்னால் இயன்ற
மரியாதை !

சுற்றிலுமிருந்த
ஆண்களிடமிருந்து
தன் காதலியை
அடைகாத்துக் கொண்டிருந்தான்
ஒரு காதலன் !

சட்டென்று
அவனுக்காக
என் கண்கள்
ஈரமாயின !

ஒருகாலத்தில்
நானும்
என் காதலியை
அப்படி
அடைகாத்தவன் தான் !

பிரிந்த
காரணங்களைப்
பட்டியல் போட
விருப…
குறிப்பு : இந்தக் கதை வயது வந்தவர்களுக்கு மட்டும் .

தடயம்

எனக்கு அவசரமாக ஒரு துப்பாக்கி வேண்டும் . துப்பாக்கி எதற்கு என்று கேட்கிறீர்களா ? சுகுமாரைக் கொல்வதற்கு . நான் ஏன் சுகுமாரைக் கொல்ல வேண்டும் ? எல்லாம் அந்த சுமலதா மேடத்திற்காகத்தான் . சுமலதா மேடம் ? வருகிறேன் ....... ஆரம்பத்திலிருந்தே வருகிறேன் .
என் பெயர் ரங்கநாதன் . வயது 28 . என்னது எதோ பிளாட்பாரக்கடை " மதன சுந்தரி " டைப் புத்தகத்தில் வரும் கதைகளின் முதல் வரி போல இருக்கிறது என்று நினைக்கிறீர்களா ? எனது கதையும் ஏறக்குறைய அதே மாதிரித்தான் . நான் வேலை செய்யும் தொழிற்சாலையின் முதலாளி தீவிர ஆஞ்சநேயர் பக்தர் போல . அதனாலேயே எங்கள் அலுவலகத்தில் / தொழிற்சாலையில் கக்கூஸ் கழுவுவதற்க்கூட ஆண் " ஆயாக்கள் " தான் இருக்கிறார்கள் . தினம் தினம் வேலைக்குப் போவதற்கே " கடுப்பு முடியாக " இருக்கும் . முடி என்று நான் கௌரவமாக சொல்கிறேன் . நான் படித்த கல்லூரி கூட ஆண்கள் மட்டும் படிக்கும் கல்லூரி . எனக்கென்று காதலியோ கீதலியோ கிடையாது . தற்போது நான் குடியிருக்கும் அறையில் கூட மூன்று அறைநண்பர்கள் இருக்கிறார்கள் . ஆளுக்கொரு காதலி …