Monday, September 6, 2010

விகித பிழை

அந்த பேருந்தில் மொத்தமே மூன்று பெண்கள் !
ஒருத்தி மூன்றாம் முப்பதை தொட்டிருந்தாள் ,
இன்னொருத்தி இரண்டு இருபதை கடந்திருந்தாள் ,
மற்றொருத்தி பதினெட்டே நிறைந்திருந்தாள் ,
மொத்தமிருந்த மூவரில் ரசிக்கும்படி இருந்தவள்
மூன்றாவதாய் இருந்தவள் ! - அவளும்
முகம் தெரியாத எவனோ ஒரு யுவனுடன்
செல்லில் சிரித்துக கொண்டிருந்தாள் .
முப்பது கடந்தும் முஹூர்த்தம் பார்க்காதவர்களில்
நானும் ஒருவனாய் அப்பேருந்தில் !
நான் கல்லூரி காலங்களில்
காதலியை தேடாத கோழை ! பணிபுரியும்
தொழிற்சாலை , ஆண்கள் மட்டும் நிறைந்த சிறைச்சாலை !
ஆயிரம் ஆண்களுக்கு எழுநூறு பெண்கள் என்ற
கணக்கில் நான் முன்னூறில் ஒருவன் !
மனசு நிறைந்த வெறுப்போடு நான் வெளியே
பார்த்தேன் !
ஆளில்லாத அப்பேருந்து நிறுத்தத்தில் நின்றிருந்த
ஆறு நாய்களில் ஐந்து நாய்கள் ஆண் நாய்கள் !!!!

No comments:

Post a Comment