Skip to main content
அன்பு நண்பரே,

                             
       இக்கவிதை ரூபனின் தீபாவளி சிறப்பு கவிதைப் போட்டிக்கு அனுப்பப்படுகிறது ! இதில் உள்ள ஒவ்வொரு stanza வையும் ஒரு வரியாக நீங்கள் கருத வேண்டுமாய் பணிவுடன் கேட்டுக்கொள்கிறேன். வார்த்தைகளின் வரிசையை  மாற்றாமல் இதில் உள்ளது உள்ளபடியே பதிப்பிக்க வேண்டுகிறேன் !


நாம் சிரித்தால் தீபாவளி





 
தீபாவளி என்றாலே,

கொண்டாட்ட நினைவு
உள்ளத்தினின்று
அரிப்பதுதான் !

கவலைத்தோலை
மனித நாகங்கள்
உரிப்பதுதான் !

பட்டாசுகளை
பரவசத்தோடு
எரிப்பதுதான் !

களிப்பு வியர்வை
உடம்பு முழுக்க
கரிப்பதுதான் !

மகிழ்ச்சி மதுவை
தொண்டைக்குழியில்
சரிப்பதுதான் !

உறவுகளோடு
உற்சாகமாய்
சிரிப்பதுதான் !

உண்டதையெல்லாம்
லேகியம் தின்று
செரிப்பதுதான் !

பட்ஜெட் துண்டால்
புருஷன் கழுத்தை
நெரிப்பதுதான் !

விருந்துண்டு
தாம்பூலம்
தரிப்பதுதான் !

விளக்கேற்ற
தாமரை நூலைத்
திரிப்பதுதான் !

வாங்கிய வெடிகளை
பங்குபோட்டுப்
பிரிப்பதுதான் !

ஏதோவொன்றை
எண்ணைச்சட்டியில்
பொரிப்பதுதான் !

நரகாசுரன்
நமக்குள்ளே
மரிப்பதுதான் !

ஒரு
சங்கல்பத்தை
நெஞ்சுக்குள்
வரிப்பதுதான் !

வண்ண வேடிக்கையை
வான் வெளியில்
விரிப்பதுதான் !

ஒன்றே ஒன்று
இறுதியாக !

தீபாவளிதான்
நாம் சிரித்தால் !
தீபாவளி அல்ல
நாம் மட்டும் சிரித்தால் !


Comments

  1. வை.கோபாலகிருஷ்ணன்October 31, 2013 at 5:50 AM

    அழகான கவிதை. கடைசி வரிகளில் முத்திரை பதித்துள்ளீர்கள். பாராட்டுக்கள். வாழ்த்துகள்.

    இனிய தீபாவளி நல்வாழ்த்துகள்.

    ReplyDelete
    Replies
    1. இந்திரபோகன் October 31, 2013 at 5:55 AM

      கருத்துக்கு நன்றி ஐயா ! கவிதையை இட்ட சில நிமிடங்களிலேயே வாசித்து கருத்திட்டதற்கு நன்றி ! தங்களுக்கும் இனிய தீபத்திருநாள் நல்வாழ்த்துக்கள் !

      Delete
  2. ”தளிர் சுரேஷ்”October 31, 2013 at 6:26 AM

    சிறப்பான முத்தாய்ப்பு! அருமையான படைப்பு! போட்டியில் வெற்றிபெற வாழ்த்துக்கள்! இனிய தீபாவளி வாழ்த்துக்கள்!

    ReplyDelete
    Replies
    1. இந்திரபோகன் November 1, 2013 at 12:28 AM

      கருத்துக்கு நன்றி நண்பா ! தங்களுக்கும் இனிய உளம் கனிந்த தீபத்திருநாள் வாழ்த்துக்கள்

      Delete
  3. இளமதிOctober 31, 2013 at 6:46 AM

    உள்ளத்து உணர்வதைச்
    அள்ளிச் சொரிந்திட்டீர்கள்!

    மிக அருமை! போட்டியில் வெற்றி பெற உளமார்ந்த வாழ்த்துக்கள் சகோ!

    உங்களுக்கும் உங்கள் குடும்பத்தினருக்கும்
    தித்திக்கும் இனிய தீபாவளி நல் வாழ்த்துக்கள்!

    ReplyDelete
    Replies
    1. இந்திரபோகன் November 1, 2013 at 12:31 AM

      கவிதையை ரசித்து மகிழ்ந்ததற்கு நன்றி தோழி ! இந்த தீபாவளியில் தாங்கள் வாழ்வு சிறக்க பிரார்த்தனைகள் !

      Delete
  4. திண்டுக்கல் தனபாலன்October 31, 2013 at 7:32 AM

    அருமை... இணைப்பை (கவிதையை) ஏற்கனவே நடுவர்களுக்கு அனுப்பி விட்டேன்...

    போட்டியில் வெற்றி பெற வாழ்த்துக்கள்...

    ReplyDelete
    Replies
    1. இந்திரபோகன் November 1, 2013 at 12:32 AM

      போட்டி குறித்து தகவல் தெரிவித்தமைக்கு நன்றி நண்பரே ! இனிய தீபாவளி வாழ்த்துக்கள்

      Delete
  5. திண்டுக்கல் தனபாலன்October 31, 2013 at 7:33 AM

    இனிய தீபத்திருவிழா நல்வாழ்த்துக்கள்...

    என்றும் சொர்க்கம் : http://dindiguldhanabalan.blogspot.com/2013/10/charity.html

    ReplyDelete
  6. உஷா அன்பரசுOctober 31, 2013 at 9:32 PM

    அருமை ! வெற்றி பெற வாழ்த்துக்கள். இனிய தீபாவளி நல்வாழ்த்துக்கள்!

    ReplyDelete
    Replies
    1. இந்திரபோகன் November 1, 2013 at 12:33 AM

      தங்கள் பின்னூட்டத்திற்கு நன்றி தோழி ! தங்களுக்கும் தங்களைச் சார்ந்த சில அன்பு உள்ளங்களுக்கும் இனிய தீபாவளி வாழ்த்துக்கள்

      Delete
  7. மகேந்திரன்November 1, 2013 at 2:07 AM

    This comment has been removed by the author.

    ReplyDelete
  8. மகேந்திரன்November 1, 2013 at 2:08 AM

    உங்களுக்கும் உங்கள் குடும்பத்தார் அனைவருக்கும் என்
    இனிய தீப ஒளித்திருநாள் நல்வாழ்த்துக்கள்...

    நெற்கதிர் கூட
    தான் விழுங்கும்
    நீரில் சில துளியை
    தனைச்சார்ந்த
    புல்லுக்கு கொடுக்கிறதே..
    நாம் மட்டும் ஏனிங்கு
    நமக்கே நமக்காக...
    என்று ஓங்கி தலையில் கொட்டு வைக்கும் கவிதை...
    நாம் மட்டும் சிரித்தால் இல்லை தீப ஒளி..
    அருமையான கவிதை நண்பரே..
    வெற்றிபெற வாழ்த்துக்கள்...

    ReplyDelete
    Replies
    1. இந்திரபோகன் November 11, 2013 at 4:16 AM

      கவிதையாக ஒரு பின்னூட்டம் எழுதி எனது கவிதையின் தரத்தை உயர்த்தி விட்டீர்கள் நண்பரே ! நன்றி !

      Delete
  9. Ranjani NarayananNovember 1, 2013 at 2:36 AM

    தீபாவளி என்றால் இதுதான், இதுதான் என்று அருமையாக எடுத்துக் காட்டியுள்ளீர்கள். பாராட்டுக்கள்.
    போட்டியில் வெற்றி பெற வாழ்த்துகள்.
    தீபாவளித் திருநாள் நல்வாழ்த்துக்கள்.

    ReplyDelete
    Replies
    1. இந்திரபோகன் November 11, 2013 at 4:17 AM

      தாங்கள் எனது கவிதையைப் படித்து பின்னூட்டம் இட்டது மிகவும் பெருமையாக இருக்கிறது தோழி !

      Delete
  10. AnonymousNovember 2, 2013 at 2:36 AM

    வணக்கம்

    தங்களின் மின் அஞ்சல் சுமந்த கவிதை வந்து கிடைத்து விட்டது மிக்க மகிழ்ச்சியாக உள்ளது தங்களின் போட்டிக்கான கவிதை நடுவர்களின் பரிசீலனையில் உள்ளது என்பதை தங்களுக்கு மகிழ்ச்சியுடன் அறியத்தருகிறேன்.

    போட்டியில் வெற்றி பெற எனது வாழ்த்துக்கள்
    இனிய தீபாவளி வாழ்த்துக்கள்.....

    என்பக்கம் புதிய பதிவாக கவிதைப்போட்டியில்பங்குபற்றியவர் தகவல் விபரம்-http://2008rupan.wordpress.com

    -நன்றி-
    -அன்புடன்-
    -ரூபன்-

    ReplyDelete
    Replies
    1. இந்திரபோகன் November 11, 2013 at 4:20 AM

      நன்றி ஐயா ! ரிசல்ட் எப்போ ?

      Delete
  11. http://bharathidasanfrance.blogspot.com/November 2, 2013 at 5:04 PM


    இனிக்கும் தீபாவளி வாழ்த்துக்கள்

    தூய தமிழ்மணக்க! நேய மனங்கமழ!
    ஆய கலைகள் அணிந்தொளிர! - மாயவனே!
    இன்பத் திருநாளாய் என்றும் இனித்திருக்க!
    அன்பாம் அமுதை அளி!

    கவிஞா் கி. பாரதிதாசன்
    தலைவா்: கம்பன் கழகம் பிரான்சு

    ReplyDelete
    Replies
    1. இந்திரபோகன் November 11, 2013 at 4:21 AM

      எனது கவிதையை விடவும் அழகாக இருக்கிறது அதற்கு நீங்கள் இட்ட பின்னூட்டம் ! நன்றி நண்பரே !

      Delete
  12. http://bharathidasanfrance.blogspot.com/November 2, 2013 at 5:14 PM

    வணக்கம்!

    இயபுகள் கொஞ்சும் இனிய அடிகள்
    இயல்புடன் கண்டேன் இனித்து!

    ReplyDelete
    Replies
    1. இந்திரபோகன் November 11, 2013 at 4:21 AM

      எனது கவிதையை விடவும் அழகாக இருக்கிறது அதற்கு நீங்கள் இட்ட பின்னூட்டம் ! நன்றி நண்பரே !

      Delete
  13. GeethaNovember 20, 2013 at 7:37 AM

    சிறந்த கவிதைக்கு வாழ்த்துக்கள்

    ReplyDelete

Post a Comment

Popular posts from this blog

அபார்ட்மெண்ட் சிறுவனே ................... அடே ! சிறுவா ! உன்னைத்தான் ! இங்கே பார் ! கணினி விளையாட்டை கணநேரம் ஒத்திவை ! கேள் ! விரிந்திருகிறது வீதி !  அதில், விளையாடுவது தானே நீதி ? கட்டம் கட்டு, குறுக்கே கோடிடு ! ஆடலாம் சடுகுடு ! கைக்குட்டை எடு , கண்ணைக் கட்டு ! ஆடு கண்ணாமூச்சி ! ஓடித்தொடுதல் ஆடியதுண்டா ? ஒற்றைக் காலிலும் ஓடித் தொடலாம் ! அதற்குப் பெயர்தான் நொண்டி ! ஆரோக்கியக் காசுகள் சேர்ப்பதில், அதுவொரு அற்புத உண்டி ! அப்புறம் இன்னோர் விளையாட்டு ! ஒருகால் மடக்கிக் குந்து ! தேவையில்லை பந்து ! குச்சியால் குச்சியை உந்து ! எம்பியெழுவதை, ' கில்லித்தட்டு '   -  என்றே நீ சொல்லித்தட்டு !  நிறம் கூறித் துரத்தும் ஆட்டம் பரிச்சையமுண்டா ? திருடன் போலீஸ் தெரியுமா ? நூல் பிடித்தோடி பட்டம் விட்டதில்லையா ? உத்திரத்தில் கயிறு கட்டி தூரி.............? என்னடா உனக்கு எதுவுமே தெரியவில்லை ! மேற்கண்ட விளையாட்டில் வலிமையாகும் உன் தசை ! வெறும் கணினியைத் தட்டுவதில் விரலுக்கு மட்டுமே விசை ! யாருமில்லையா வீட்டில் ? ஓ ! இரவுப்பணி முடித்து இன்னும் உறங்கும் தந்தை ! அழகுநிலையம் சென்று விட்ட அம்மா ! அ
4 comments
Read more
ஒரு விடைபெறுதல்  தேநீர் ஆறிக்கொண்டிருக்கிறது ! மேஜையில் எதிரெதிராக நீ ! நான் ! தேநீருடன் கூடிய நம் கடைசிச்சந்திப்பு ! தலைகுனிந்தபடி நீ ! உன்னையே பார்த்தபடி நான் ! ஒருவகையில் நம் முதல் சந்திப்பிலும் இப்படித்தானிருந்தோம் ! வேடிக்கைதான் ! இருவீட்டார் சம்மதத்துடன் நாம் பிரியப்போகிறோம் ! சுற்றிலும் ஆங்காங்கே தேநீர் அருந்தும் காதலர்களின் ஆசிர்வாதத்தோடு நாம் பிரியப்போகிறோம் ! என் இரண்டுவார தாடி உனக்குப்பிடிக்காதுதான் ! நினைவிருக்கிறதா இந்த  நீல நிறச்சட்டை நீ வாங்கித்தந்தது ! என் கை நகங்களில் அழுக்குப் படிந்துள்ளது ! சற்று முன்னர்தான் சிகெரெட் பிடித்தேன் ! என்னில் எல்லாமே இயற்கையாக இருக்கின்றன என் புன்னகையைத்தவிர ! எனக்குப்பிடித்த மஞ்சள் சுடிதாரில் நீ வரவில்லை ! பவுடர் சற்று அதிகம் ! கூந்தலில் ரோஜா இல்லை ! நான் வாங்கித்தந்த பிளாஸ்டிக் வளையல்களை உன்கைகள் அணிந்திருக்கவில்லை ! உதட்டுச்சாயத்தைக் கொஞ்சம் குறைத்திருக்கலாம் ! உன்னில் எல்லாமே செயற்கையாக இருக்கின்றன ! உன் கண்களைத்தவிர ! அந்தக்கண்களில் கண்ணீ
8 comments
Read more